Foto: AP / Seth Wenig

Birikken Wlttar Wyımınıñ aldağı eki jılğa arnalğan byudjeti 5,395 mlrd dollardı qwraydı. Atalğan byudjet qwjatın BWW-nıñ Bas Assambleyası bekitti, dep habarlaydı RIA Novosti. 

Wyımnıñ bas hatşısı Antoniu Guttereş alğaşında aldağı eki jıl üşin 5,4 mlrd dollardan asa qarjı swrağan. BWW byudjeti negizi wyımğa müşe 193 eldiñ jarnalar esebinen qamtıladı. Jarna audaru kezinde memlekettiñ tölem qabileti, JİÖ jäne halıqtıñ jan basına şaqqandağı tabısı negizge alınadı. Memlekettiñ jeke jarnasınıñ mölşeri jalpı byudjettiñ 22%-ınan aspauı tiis.

Audarılğan jarnalardıñ eñ köp mölşeri AQŞ-qa tiesili. Sonday-aq, Japoniya men Qıtay wyımğa köp aqşa audaratın elder arasında aldıñğı orında. Japoniyanıñ wyımğa audarğan qarjısı wyım byudjetiniñ 9,6%-ın qwrasa, Qıtaydiki -7,9%. Reseydiñ ülesi şamamen 3%-dı qwraydı.

Degenmen AQŞ äkimşiliginiñ jaña qwramı BWW-nı byudjet boyınşa reforma ötkizuge ügittep otır. Sebebi Prezident Donal'd Tramptıñ sözinşe, halıqaralıq wyımnıñ jwmsaytın qarjısı köp bolğanmen, tiimdiligi az bolıp otır.

“The Qazaq Times”