بىرىككەن ۇلتتار ۇيىمىنىڭ الداعى ەكى جىلعا ارنالعان بيۋدجەتى 5,395 ملرد دوللاردى قۇرايدى. اتالعان بيۋدجەت قۇجاتىن بۇۇ-نىڭ باس اسسامبلەياسى بەكىتتى، دەپ حابارلايدى ريا نوۆوستي.
ۇيىمنىڭ باس حاتشىسى انتونيۋ گۋتتەرەش العاشىندا الداعى ەكى جىل ءۇشىن 5,4 ملرد دوللاردان اسا قارجى سۇراعان. بۇۇ بيۋدجەتى نەگىزى ۇيىمعا مۇشە 193 ەلدىڭ جارنالار ەسەبىنەن قامتىلادى. جارنا اۋدارۋ كەزىندە مەملەكەتتىڭ تولەم قابىلەتى، ءجىو جانە حالىقتىڭ جان باسىنا شاققانداعى تابىسى نەگىزگە الىنادى. مەملەكەتتىڭ جەكە جارناسىنىڭ مولشەرى جالپى بيۋدجەتتىڭ 22%-ىنان اسپاۋى ءتيىس.
اۋدارىلعان جارنالاردىڭ ەڭ كوپ مولشەرى اقش-قا تيەسىلى. سونداي-اق، جاپونيا مەن قىتاي ۇيىمعا كوپ اقشا اۋداراتىن ەلدەر اراسىندا الدىڭعى ورىندا. جاپونيانىڭ ۇيىمعا اۋدارعان قارجىسى ۇيىم بيۋدجەتىنىڭ 9,6%-ىن قۇراسا، قىتايدىكى -7,9%. رەسەيدىڭ ۇلەسى شامامەن 3%-دى قۇرايدى.
دەگەنمەن اقش اكىمشىلىگىنىڭ جاڭا قۇرامى بۇۇ-نى بيۋدجەت بويىنشا رەفورما وتكىزۋگە ۇگىتتەپ وتىر. سەبەبى پرەزيدەنت دونالد ترامپتىڭ سوزىنشە، حالىقارالىق ۇيىمنىڭ جۇمسايتىن قارجىسى كوپ بولعانمەن، تيىمدىلىگى از بولىپ وتىر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى