Japon teñizi. Foto: The World Factbook.

Japoniyanıñ Akita audanında, jergilikti uaqıt boyınşa 23 qaraşa küni keşte, jağalaudan belgisiz eldiñ 8 azamatı wstalğan. Olar jağalauda ağaş qayıqtarımen tabılğan. Alğaşqı bergen jauaptarına qarağanda Soltüstik Koreyadan kelgen bolıp şıqtı. Jergilikti policeyler tergeudi jalğastırıp jatır. Bwl turalı «Şinhuanıñ» resmi saytı jazdı.

Keşe Gonkongtıñ «Şığıs jelisi» saytı Japoniyanıñ «Asahi Şimbun» jäne basqa BAQ-tarğa silteme jasay otırıp taratqan habarında, policiya jaq jergilikti uaqıt 23:20 şamasında belgisiz adamdar turalı mälimetti tapsırıp alğan. Onda kemelerge jük tieytin orında belgisiz adamdardıñ jürgeni aytılğan. Policeyler atalğan orınnan segiz adamdı tapqan, oğan qosa, jağalauğa jaqın mañda 20 metr şamasında ağaş qayıq ta tabılğan. Olar teñizden osı ağaş qayıqpen jüzip ötkenderin aytqan.

Alğaşqı saraptau boyınşa beytanıs adamdar tolıqtay sau deneli, psihikalıq auıtquları joq adamdar ekeni anıqtaldı. Degenmen, olar japon tilin tüsinbeydi. Söyleu mänerine qarağanda soltüstik käris tiline wqsaydı.  Policiya olardı Lividjuan policiyasınıñ qorğauına aldı jäne Soltüstik Koreyadan keletindikten Sendeydiñ immigraciyalıq byurosınıñ audarmaşıların tergeuge qatıstırdı. Qazirgi kezde tergeu jalğasuda.

“The Qazaq Times”