Foto: tengrinews.kz

WQK baylanıs jelileri men Internetke qol jetkizudi toqtatuğa qatıstı tüsinik berdi, - dep habarlaydı Tengrinews.kz tilşisi vedomstvonıñ baspasöz qızmetine silteme jasap.

2016 jılğı 22 jeltoqsandağı "Qazaqstan Respublikasınıñ keybir zañnamalıq aktilerine ekstremizmge jäne terrorizmge qarsı is-qimıl mäseleleri boyınşa özgerister men tolıqtırular engizu turalı" Qazaqstan Respublikasınıñ Zañımen "Baylanıs turalı" Zañnıñ 41-1 babı, kelesi mazmwndağı 1-2 tarmağımen tolıqtırıldı:

"Keyinge qaldıruğa bolmaytın jäne auır jäne asa auır qılmıstardıñ, sonday-aq qılmıstıq top dayındaytın jäne jasaytın qılmıstardıñ jasaluına äkep soğuı mümkin jağdaylarda Qazaqstan Respublikası Wlttıq qauipsizdik komitetiniñ Törağası, onıñ orınbasarları nemese Qazaqstan Respublikası Wlttıq qauipsizdik komitetiniñ aumaqtıq organdarınıñ bastıqtarı ne olardı almastıratın adamdar keyinnen baylanıs salasındağı uäkiletti organdı jäne Qazaqstan Respublikasınıñ Bas prokuraturasın jiırma tört sağat işinde habardar ete otırıp, jedel-izdestiru qızmetiniñ barlıq sub'ektileriniñ müddesinde baylanıs jelileriniñ jäne (nemese) qwraldarınıñ jwmısın, baylanıs qızmetteriniñ körsetiluin, internet-resurstarğa jäne (nemese) olarda ornalastırılğan aqparatqa qol jetkizudi toqtata twruğa qwqılı.

Baylanıs jelileriniñ jäne (nemese) qwraldarınıñ jwmısın, baylanıs qızmetteriniñ körsetiluin, internet-resurstarğa jäne (nemese) olarda ornalastırılğan aqparatqa qol jetkizudi toqtata twru tärtibi Qazaqstan Respublikasınıñ Bas prokuraturasımen kelisu boyınşa jedel-izdestiru qızmeti sub'ektileri men baylanıs salasındağı uäkiletti organnıñ birlesken normativtik qwqıqtıq aktisinde ayqındaladı";

Bwdan özge körsetilgen baptıñ 1) tarmaqşası, 3-tarmağı kelesidey özgertildi:
1) uäkiletti organnan nemese Qazaqstan Respublikasınıñ wlttıq qauipsizdik organdarınan osı baptıñ 1, 1-1 jäne 1-2-tarmaqtarında körsetilgen nwsqamanı nemese şeşimdi orındau jöninde şaralar qoldanu turalı talaptı alğannan keyin onı baylanıs jelileriniñ jäne (nemese) qwraldarınıñ jwmısın, baylanıs qızmetteriniñ körsetiluin, internet-resurstarğa jäne (nemese) olarda ornalastırılğan aqparatqa qol jetkizudi uaqıtşa toqtata twru jolımen üş sağattan aspaytın uaqıt işinde orındauğa mindetti";

Qazirgi kezde zañnamada körsetilgen özgertulerge keybir sub'ektiler tarapınan teris tüsinik beru bayqalıp jatır. Osı orayda Qazaqstan Respublikasınıñ Wlttıq qauipsizdik komiteti birşama tüsiniktemeler berudi qajet dep taptı.

Baspasöz qızmetindegilerdiñ mälimetinşe, joğarıda körsetilgen qwqıq norması öñirlik internet-servisteri men baylanıs jelilerin jappay toqtatudı közdemeydi, sebebi qoldanıstağı zañnamada Bas prokuror men baylanıs salasındağı uäkiletti organğa antiterrorlıq operaciya jürgizu barısında, qoğamdıq tärtip pen BAQ salasındağı özge de zañnamalardı bwzuşılıq tuındağan jağdayda jeliler men baylanıs qwraldarın paydalanudı şekteu üşin qwqıqtıq negiz qarastırılğan ("Terrorizmge qarsı is-qimıl turalı» jäne "Baylanıs turalı" Qazaqstan Respublikasınıñ Zañdarı).

Sonımen birge wlttıq qauipsizdik organdarı tarapınan baylanıs qızmetin toqtatu turalı şeşim auır jäne asa auır qılmıs jasauğa soqtıruı mümkin sıbaylastarın aqparattandıru jäne is-äreketin üylestiruge jol bermeu maqsatında naqtı abonentterge qatıstı qabıldanatın boladı.

Conday-aq, baspasöz qızmetindegilerdiñ mälimetinşe, jeliler men baylanıs qwraldarı qızmetin toqtatu Qazaqstan Respublikasınıñ Bas prokuraturasımen kelisilgen jedel-izdestiru qızmeti sub'ektileri men baylanıs salasındağı uäkiletti organnıñ birlesken bwyrığı negizinde tiisti operatorlarmen iske asırılatın boladı.

"The Qazaq Times"