Wlttıq bank törağası Daniyar Aqışev. Foto: Forbes.kz

Bügin VII qarjıgerler kongresinde QR Wlttıq bank törağası Daniyar Aqışev bank sektorın sauıqtıruğa qatıstı pikirin bildirdi. 

10 jıldan keyin qayta jwmısın bastağan kongress kezinde bas retteuşi bankterdegi problemalar özdiginen şeşilip ketpeytinin ayttı.

"Bank sektorınıñ qarjılıq twraqtılığı turalı bağdarlamanıñ erekşeligi - köptegen nätijege jedel äri jıldam qol jetkizuge bağıttalğan. Bankterdegi mäseleler tez şeşilui tiis. Ol özdiginen şeşile salmaydı. Al olardı şeşpesek, jağday qiındap ketedi jäne qoğamdağı ülken problemağa aynaladı", - dedi ol.

Bwdan bölek bas bankir banterdi baqılau jüyesi özgeretinin atap ötti. Onıñ sözinşe, bastı maqsat - qarjılıq twraqtılıqtı küşeytu. Osılayşa ol Wlttıq Bank boljam jasau jäne saldarın anıqtau  qağidattarın qoldanudı jalğastıra beretinin ayttı.

“The Qazaq Times”