ۇلتتىق بانك توراعاسى دانيار اقىشەۆ. فوتو: Forbes.kz

بۇگىن VII قارجىگەرلەر كونگرەسىندە قر ۇلتتىق بانك توراعاسى دانيار اقىشەۆ بانك سەكتورىن ساۋىقتىرۋعا قاتىستى پىكىرىن ءبىلدىردى. 

10 جىلدان كەيىن قايتا جۇمىسىن باستاعان كونگرەسس كەزىندە باس رەتتەۋشى بانكتەردەگى پروبلەمالار وزدىگىنەن شەشىلىپ كەتپەيتىنىن ايتتى.

"بانك سەكتورىنىڭ قارجىلىق تۇراقتىلىعى تۋرالى باعدارلامانىڭ ەرەكشەلىگى - كوپتەگەن ناتيجەگە جەدەل ءارى جىلدام قول جەتكىزۋگە باعىتتالعان. بانكتەردەگى ماسەلەلەر تەز شەشىلۋى ءتيىس. ول وزدىگىنەن شەشىلە سالمايدى. ال ولاردى شەشپەسەك، جاعداي قيىنداپ كەتەدى جانە قوعامداعى ۇلكەن پروبلەماعا اينالادى", - دەدى ول.

بۇدان بولەك باس بانكير بانتەردى باقىلاۋ جۇيەسى وزگەرەتىنىن اتاپ ءوتتى. ونىڭ سوزىنشە، باستى ماقسات - قارجىلىق تۇراقتىلىقتى كۇشەيتۋ. وسىلايشا ول ۇلتتىق بانك بولجام جاساۋ جانە سالدارىن انىقتاۋ  قاعيداتتارىن قولدانۋدى جالعاستىرا بەرەتىنىن ايتتى.

“The Qazaq Times”