Qaraşanıñ 11-de MMA boyınşa Qazaqstan wlttıq qwraması Bahreyn astanası - Manamada 12-19 qaraşa aralığında ötetin älem çempionatına baradı. Bwl çempionat qatısuşı elderdiñ sanı boyınşa rekordtıq körsetkişterge ie boladı. Oğan 14 salmaq därejesinde älem çempionı atağı üşin 51 elden 252 sportşı jarısadı.

Qazaqstan namısın  älem çempionatında wlttıq qwramasınınıñ 15 sportşıları qorğaydı.

Älem çempionatında Qazaqstan atınan alğaş ret äyelder divizionda 52,2 kg deyin salmaqta Aziya vice-çempionı almatılıq Ayan Twrsın jäne 56,7 kg deyin salmaqta Taldıqorğan sportşısı Gülmira Nwğmanova qatısadı.

Er arasında kelesi salmaq därejesinde sportşılar:

  • 56,7 kg-ğa deyin - Aziya çempionı Ernaz Mwsabek (Astana) jäne Qazaqstan çempionatınıñ qola jüldegeri Dastan Jaqıpbek (Almatı oblısı);
  • 61,2 kg-ğa deyin - Qazaqstan kümis jüldegeri Jetpisov Dinislam (Qarağandı) jäne Aziya çempionı Oljas Moldağaliev (Atırau);
  • 65,8 kg-ğa deyin - Qazaqstan çempionı Merey Jwbanov (Qarağandı) jäne Aziya çempionatınıñkümis jüldegeri Bekzat Jasiya (Oñtüstik Qazaqstan oblısı);
  • 70,3 kg-ğa deyin - Aziya çempionatınıñ kümis jüldegeri Neymat Asadov (Qarağandı) jäne Darhan Jwmabay (Aqmola oblısı);
  • 77,1 kg-ğa deyin - Aziya çempionı Jan Kenjebaev (Almatı) jäne Qazaqstan çempionatınıñ qola jüldegeri Mahir Aliev (Astana);
  • 83,9 kg-ğa deyin Aziya çempionatınıñ qola jüldegeri Meyrambek Demeubaev (Astana) jäne Qazaqstan çempionatınıñ qola jüldegeri Mädi Dosmwhametov(Almatı oblısı);
  • 93 kg-ğa deyin - Aziya jäne Europa çempionattarınıñ qola jüldegeri Qwdaybergen Töleubaev (Qarağandı).

Älem çempionatı IMMAF halıqaralıq MMA federaciyası wyımdastırumen aralas jekpe-jek aptalığı ayasında ötip, soñında  «Brave» halıqaralıq käsibi turniri ötedi.

“The Qazaq Times”