Foto: thegreatmiddleeast.com

Saud Arabiyasında Mwhammed bin Salman hanzadanıñ bastamasımen jaña jemqorlıqqa qarsı komissiya qwrıluına baylanıstı eldegi birqatar şeneunikter men mañızdı twlğalar abaqtığa jabılıp, olardıñ jeke esepşottarı jabıldı. Al Arabiya telearnasınıñ habarlauınşa, Saud Arabiyası   11 hanzada, 4 qazirgi ministr men ondağan bwrınğı şeneunikterdiñ twtqındalğanı turalı habar tarattı.  Bwl turalı APF aqparattıq agenttigi jazdı. 

Mwhammed bin Salmannıñ jeke öziniñ qadağalauımen basqarılatın jemqorlıqqa qarsı komissiya eldegi eñ bay miliarder Äl-Valid bin Talaldı türmege jauıp,  Wlttıq gvardiya basşısı men Ekonomika ministrin qızmetinen bosatqan. Saud Arabiyasınıñ biligine jaqın azamat APF tilşisine eldegi eñ ataqtı 14 adamnıñ atınan twratın tizim bergen. Ol tizimdegilerdiñ barlığı biliktiñ qırına ilikken. Küdikti dep tabılıp, qolğa tüsken barlıq şeneunikterdiñ qarjılıq şottarına qojetimdilik toqtatıladı, al onıñ işinen jemqorlıqqa qatısı bar aqşa tabılsa, ol birden memlekettiñ menşigine ötedi. Qayta qaralıp, qozğalıp jatqan isterdiñ işinde 2009 jılı Jidda qalasında bolğan su tasqını siyaqtı eski materialdar da bar.

“The Qazaq Times”