ساۋد ارابياسى شەنەۋنىكتەردى جازالاۋدى قولعا الدى

ساۋد ارابياسىندا مۇحاممەد بين سالمان حانزادانىڭ باستاماسىمەن جاڭا جەمقورلىققا قارسى كوميسسيا قۇرىلۋىنا بايلانىستى ەلدەگى بىرقاتار شەنەۋنىكتەر مەن ماڭىزدى تۇلعالار اباقتىعا جابىلىپ، ولاردىڭ جەكە ەسەپشوتتارى جابىلدى. Al Arabiya تەلەارناسىنىڭ حابارلاۋىنشا، ساۋد ارابياسى   11 حانزادا، 4 قازىرگى مينيستر مەن ونداعان بۇرىنعى شەنەۋنىكتەردىڭ تۇتقىندالعانى تۋرالى حابار تاراتتى.  بۇل تۋرالى APF اقپاراتتىق اگەنتتىگى جازدى. 

مۇحاممەد بين سالماننىڭ جەكە ءوزىنىڭ قاداعالاۋىمەن باسقارىلاتىن جەمقورلىققا قارسى كوميسسيا ەلدەگى ەڭ باي ميلياردەر ءال-ۆاليد بين تالالدى تۇرمەگە جاۋىپ،  ۇلتتىق گۆارديا باسشىسى مەن ەكونوميكا ءمينيسترىن قىزمەتىنەن بوساتقان. ساۋد ارابياسىنىڭ بيلىگىنە جاقىن ازامات APF تىلشىسىنە ەلدەگى ەڭ اتاقتى 14 ادامنىڭ اتىنان تۇراتىن ءتىزىم بەرگەن. ول تىزىمدەگىلەردىڭ بارلىعى بيلىكتىڭ قىرىنا ىلىككەن. كۇدىكتى دەپ تابىلىپ، قولعا تۇسكەن بارلىق شەنەۋنىكتەردىڭ قارجىلىق شوتتارىنا قوجەتىمدىلىك توقتاتىلادى، ال ونىڭ ىشىنەن جەمقورلىققا قاتىسى بار اقشا تابىلسا، ول بىردەن مەملەكەتتىڭ مەنشىگىنە وتەدى. قايتا قارالىپ، قوزعالىپ جاتقان ىستەردىڭ ىشىندە 2009 جىلى جيددا قالاسىندا بولعان سۋ تاسقىنى سياقتى ەسكى ماتەريالدار دا بار.

“The Qazaq Times”