Foto: Kursiv.kz

QR Wlttıq banki «Delta Bank» AQ-tı banktik jäne özge de operaciyalardı jäne bağalı qağazdar narığında qızmetti jürgizuge berilgen licenziyadan ayıru turalı şeşim qabıldadı. Bwl turalı banktiñ feysbuktegi paraqşasında jazıldı. 

«Qazaqstan Respublikası Wlttıq Banki Törağasınıñ 2017 jılğı 2 qaraşadağı №402 bwyrığımen uaqıtşa äkimşilik tağayındaldı, oğan Bankti basqarudıñ barlıq organdarınıñ ökilettikteri ötti. Uaqıtşa äkimşilik sot taratu komissiyasın tağayındağanğa deyin jwmıs isteytin boladı», - delingen habarlamada

Bas banktiñ mälimetinşe, 2017 jılğı 3 qaraşadan bastap uäkiletti organnıñ normativtik qwqıqtıq aktilerinde közdelgen şığıstarğa, Bankke kelip tüsetin aqşanı esepteuge baylanıstı jağdaylardı qospağanda, klientterdiñ jäne Banktiñ bank şottarı boyınşa barlıq operaciyalar toqtatıldı.

Qazaqstan Respublikasınıñ Wlttıq Banki zañnamada belgilengen tärtippen Banktiñ qızmetin mäjbürlep toqtatu (taratu) turalı sotqa ötiniş jasaydı.
Sot Bankti mäjbürlep taratu turalı is qozğağan künnen bastap bankti wstap twruğa ağımdağı şığıstarğa baylanıstı talaptardı qospağanda, kreditorlardıñ Bankke talaptarı tek taratu öndirisinde ğana wsınıluı mümkin.

Al bank jeke twlğalardıñ depozitterine mindetti kepildik beru jüyesiniñ qatısuşısı bolıp tabıladı. Teñgedegi jäne şetel valyutasındağı depozitter, tölem kartoçkalarındağı jäne bank şottarındağı aqşa «Qazaqstannıñ depozitterge kepildik beru qorı» AQ-tıñ kepildigimen qorğalğan.

Kepildiktiñ eñ köp şegi teñgedegi depozitter boyınşa 10 mln teñge, şetel valyutasındağı depozitter boyınşa 5 mln teñge. Osığan oray depozitorlarğa belgilengen tärtippen kepildik ötemi tölenetin boladı.

“The Qazaq Times”