Foto: AFP 2017 / Saul Loeb

AQŞ-tıñ bwrınğı Prezidenti Barak Obama Amerika biligindegi qazirgi jağdaydı sınğa alıp, jürgizip otırğan sayasat «qoğamğa ziyan keltiredi» dep mälimdedi.

"Bizdiñ körip otırğanımız eşkimge wnamaydı... Sayasat bizdiñ bedelimizdi arttırudıñ ornına, qoğamğa ziyan keltirip otır", - dedi Obama. Ol bwl turalı Virdjiniya ştatındağı gubernatorlıq saylauda demokratiyalıq kandidattı qoldauğa arnalğan mitingide söylegen sözinde ayttı.

"Men soñğı kezde bilikke qarata eşteme aytqan emespin. Alayda men adamdardı alalau arqılı nauqan ötkizip, keyin olardıñ basın biriktirip, basqaru qiın bolatının jaqsı bilemin", - dedi AQŞ-tıñ 44 prezidenti.

Ol sözinde AQŞ-tıñ qazirgi Prezidentiniñ atın atamağanmen, Virdjiniyadağı gubernator jarısınan bastap memleket basşısın, onıñ immigraciyalıq jäne KHDR-ğa jürgizip otırğan sayasatın sınğa aldı.

Ayta keteyik, ötken aptada Tramptıñ  qazirgi sayasatın respublikalıq senator Djon Makkeyn men AQŞ-tıñ bwrınğı prezidenti kişi Djordj Buş sınağan. Qwrama Ştattıñ bwrınğı prezidenti N'yu-Yorktegi Buş institutında söylegen sözinde Tramptıñ atın atağan joq, alayda onıñ migranttarğa, bosqındarğa jäne erkin saudağa qarsı jasalıp otırğan is-qimıldarın sökti.

Al Mekkeyn öz kezeginde AQŞ "jalğan wltşıldıqqa" aralasıp otırğanına eskertu jasadı.

“The Qazaq Times”