Moñğoliya prezidenti B.Qabdisilämwlın qabıldadı. Foto: KAZNEWS.MN

Moñğoliya elinde bir qandasımız sol eldiñ Qwrılıs jäne qala qwrılısı ministrine wsınıldı. Ministr atanğan Bädelhan Qabdisilämwlı bwğan deyin Bayan-Ölgey aymağınıñ äkimi, Parlament müşesi, Önerkäsip ministrliginiñ vice-ministri qatarlı lauazımdı qızmetterdi atqarğan. Bädelhan Qabdisilämwlı Moñğoliyada 21 jıldan keyin ministr atanıp otırğan qazaq azamatı. Bwl turalı Moñğoliyanıñ qazaq tildi aqparattıq portalı «KAZNEWS.MN» habarladı.

1962 jıldan beri Moñğoliyada bes birdey qazaq azamatı ministr bolğan.

1. Moñğoliya qazaqtarı arasınan alğaşqı bolıp 1962-1965 jılı, 1968-1982 jıldarı Moñğol Halıq Respublikasınıñ Qwrılıs, qwrılıs materialdarı önerkäsip ministri qızmetin Tileyhan Orınwlı atqarğan. Qwrılıs salasında siñirgen eñbegi, özindik qoltañbası qalğan. Wlanbatır qalasındağı Qwrılıs Politehnikalıq kolledji Tileyhan Orınwlınıñ atına berilgen.

2. 1980-1987 jıldarı Geologiya, tau-ken ministri, 1987-1991 jıldarı Tabiğat qorğau ministri qızmetin Mäulet Wtqanwlı atqarğan. Nalayhan şahtasınıñ damuına zor üles qosıp jaña tehnika, tehnologiyalıq jañartu engizgeni üşin «Memlekettik sıylıq iegeri» atanğan.

3. Moñğoliyanıñ Totaritarlıq jüyeden narıqtıq jüyege auısu kezeñi yağni 1991-1992 jıldarı Moñğoliyanıñ Ministrler Keñesi törağasınıñ orınbasarı qızmetin Zardıhan Qinayatwlı atqarğan.

4. 1992-1996 jıldarı Moñğoliyanıñ Kölik kommunikaciya jäne infraqwrılım ministri qızmetin Sandalhan Razdıqwlı atqarğan. Moñğoliya Parlamentine Bayan-Ölgiyden eki märte saylanğan.

Al osı izdi jalğap, besinşi ret moñğol jwrtında ministrlik qızmetke tağayındalğan Bädelhan Qabdisilämwlı. 17 qazan küni el prezidenti H.Battulga B. Qabdisilämwlın qabıldap, oğan atalğan salanıñ aqsap twrğan jwmıstarın senip tapsırdı.

Ayta keteyik, bwğan deyin moñğol jwrtında 9 qazaq qandasımız vice-ministr lauazımında bolğan.

Älemniñ är tükpirinde de qazaqtıñ maqtanışı men abroyı ortaq. Al sol abıroy-bedelin asqaqtatıp jürgen azamattardıñ är qadamına sättilik tileymiz!

“The Qazaq Times”