Almatıda 8-10 künge jetetin benzin qorı qaldı

Almatıda 8-10 künge jetetin benzin qorı qaldı. Qala äkimdigi men Energetika ministrligi bolsa, osı mäseleni şeşu joldarın qarasıtırıp jatır. Bwl turalı Almatı qalası äkiminiñ orınbasarı Almas Mädiev mälimdedi, dep habarlaydı Sputnik Qazaqstan.  

"Janar-jağarmaydıñ tapşı boluına baylanıstı mäseleni şeşu üşin energetika ministrligimen  birneşe naqtı şaralar qabıldandı. Qazirgi kezde qalanıñ "Gelios", "Sinoyl" "QazMwnayGaz" siyaqtı iri janarmay beketterinde 15 mıñ tonnaday janarmay qorı bar. Bwl 8-10 künge jetedi. Al kişigirim beketterde 2-3 künge jetetin qor bar", - dedi Mädiev.

Onıñ sözinşe, ministrlik Almatını qosımşa benzin qorımen qamtamasız etuge "uäde bergen". Bwdan bölek qalanıñ janarmay beketterine reyd jürgizilmek.

"Äkimdik tabiği monopoliyalardı retteu jönindegi komitetpen birlesip, janarmay beketteri qoymalarda janarmay qorın qaldırıp qoymay, halıqtı qamtamasız etu üşin, otın qaldıqtarına reyd jürgizedi", - dedi ol.

“The Qazaq Times”