Foto: v-thailand.com

Osıdan eki kün bwrın AQŞ-tıñ  Las Vegas qalasında bolğan qarulı şabuıl bar älemniñ nazarın özine audardı. Keybir sarapşılar "bwl oqiğa AQŞ-tıñ kez kelgen azamatı suıq qaruğa oñay qol jetkize aluı saldarınan bolıp otır" dep esepteydi. Sebebi Donal'd Tramp qağidası boyınşa el azamattarınıñ özin qoğau üşin qaru alıp jüruge mümkindigi bar. Al Japoniyada kerisinşe, qaru satıp alu üşin emtihan tapsırasız. Sondıqtan da bolar, bwl elde qarulı şabıldar mülde az kezdesedi.

Eger siz Japoniyada mıltıq satıp alğıñız kelse, şıdamdılıqpen, sabırlılıqpen kütuiñizge tura keledi. Äueli küni boyı sabaq tıñdaysız, sosın jazbaşa emtihan tapsırasız, eñ soñında barıp mergendigiñizdi sınaytın sınaqtan ötesiz, sınaqtan kem degende 96 bal jinauıñız kerek.

Bwdan bölek, atalğan elde ruhani jaqtan sau-salamat ekeniñiz jäne ulı däri-därmek twtınbağanıñız, bwrın qılmıstı bolğan-bolmağanıñız jan-jaqtılı tekseriledi. Oğan därigerler, saqşılar aralasadı. Odan keyin barıp tuısqandarıñız ben qızmettesteriñizdi tekseredi. Sonday-aq, saqşılardıñ üstiñizge qaru-jaraq jasırmağanıñızdı anıqtau üşin tintuge qwqığı bar.

Dükender men sauda bazarlarında qaru-jaraq satu şektelgen. Japoniyadağı 40 aymaqta mıltıq satatın dükenniñ jalpı sanı 3 ten aspauı kerek degen ereje bar. Tağı bir qızığı, siz osı aynaldırğan 3 dükennen bwrın bir tal oq satıp alğan bolsañız, endi ekinşi oqtı satıp alu üşin, mindetti türde aldıñğı alğan oqtıñ atılğanın däleldep, qabın (jezin) tapsıruıñız kerek. Sonda ğana ekinşi oq sizge beriledi. YAğni Japoniyada añ atatın oqtıñ sanın da bilik basındağı basşı da anıq bilip otır degen söz.

Mıltıqtı, oqtı  saqtau üşin saqşılar sizge kömektesedi. Är jıl sayın oq pen qaru tekserilip otıradı. Al 3 jıldan soñ äreñ qolıñız jetken mıltıq pen oq ükimetke qayta qaytarıladı, rwqsat kuäligiñiz de küşin joyadı. Tağı da mıltıq alğıñız kelse joğarıda aytqan joldardı qayta basıp ötuiñizge tura keledi.

Mine, osınday talaptardıñ arqasında Japoniyada halıq beybit ömir sürip otır.

Ädilet Ahmetwlı

“The Qazaq Times”