Foto: kapital.kz

Almatı mañındağı wşaq apatınan qaza tapqan 5 adamnıñ esimi belgili boldı, dep habarlaydı 24 Habar arnası.

Olar professor, akuşerlik, ginekologiya jäne perinatologiya ğılımi ortalığınıñ akuşer-ginekologı Patsaev Talğar Änapiwlı men professor, kardiologiya jäne işki aurular ğılımi-zertteu institutınıñ reanimatolog-därigeri Artıqbaev Jänibek Tükenwlı. Sonday-aq wşaq komandiri, Qırğızstan azamatı Coy men Qazaqstan azamatı, ekinşi wşqış Kutafin jäne borttehnik Beyşebek Akmatbaev bortta bolğan.

Jergilikti twrğındardıñ aytuına qarağanda, wşaq qwlağan sätte eki märte jarılıs bolğan. Sodan keyin äue köligi lezde janıp ketken. Apat bolğan mañaydağı elektr bağanaları da qattı zaqımdanğan.

Ayta keteyik, keşe «Eastwing» äuekompaniyasına tiesili An-28 wşağı Almatı äuejayınan 28 şaqırım qaşıqtıqta apatqa wşırap, borttağı bes adam da qaza taptı. Sanitarlıq reys Almatıdan Şımkentke qaray wşıp şıqqan. Bort keşki sağat 18:35-te kökke köterilip, 18:47-de, yağni arada 12 minut ötkende baylanıstan ajırağan. Keyin belgili bolğanınday, 19 sağat 15 minutta ol jerge qwlaydı. Qattı soqqı saldarınan äue köliginiñ qaldıqtarı 200 metr radiusqa deyin şaşırap ketken.

“The Qazaq Times”