Foto: aljazeera.com

Franciyanıñ astanası Parij qalasınıñ soltüstik batıs böligindegi Elisey jazığı - eldegi baylıq pen kedeyliktiñ körinisi qatar wştasatın orındardıñ biri. Kelisim alañı men Triumfal'dı arka aralığındağı eki kilometrlik köşege jıl sayın milliondağan turister keledi. Ötken jılı jaña jıl qarsañında mwnda 500 mıñ turist tirkelse, 2016 jılı Franciyanıñ äleumettik taptardıñ qayşılığı anıq bayqalatın ataqtı alañın 36,5 mln adam tamaşalağan. 

Elisey jazığında ornalasqan qımbat dükender men meyramhanalardıñ aldında, köşe boyında üysiz qalğan adamdardıñ jerde otırğanın, wyıqtap jatqanın ne tamaqtanıp otırğanın köruge boladı. The Fondation Abbé Pierre qoğamınıñ jıldıq esebinde 2017 jılı 4 mln adam "üysiz qalğan" dep körsetilse, Franciyanıñ Statistika komiteti bir ğana Parijdiñ özinde 140 mıñ adamnıñ baspanası joq ekenin habarlaydı.

Foto: aljazeera.com

Franciyada qayırşılıq 1994 jıldan beri zañdastırılğan, biraq birneşe talabı bar: jas balalardı qoldanuğa bolmaydı, qoğamdıq tärtipti bwzuğa tıyım salınadı, köşeden ötkenderden swralatın kömek agressivti formada bolmauı kerek.

Foto: aljazeera.com

Mwnda qayırşı bolıp jürgen adamdardıñ jas aralığı 25-60 jas. Birqatarı köşede twrsa, ekinşileri üysiz qalğan jandarğa arnalğan äleumettik ortalıqtardı mekendeydi. Bärine ortaq bir dünie - künin künge äzer jalğaytın tömengi därejedegi äleumettik jağday. Qayırşılardıñ negizgi qwramı -  Franciyanı 600 jıldan beri mekendep kele jatqan "Roma" tobı (romandar, sığandar, t.b). Bwl elde azşılıq topqa kiretin sığandar köp jıldar boyı diskriminaciyağa wşırap kelgen. Ötken jılı Franciya Ükimeti 10 mıñ sığandı elden küşpen şığarıp jibergen bolatın.

“The Qazaq Times”