Foto: news.tj

AQŞ Senatı Google, Facebook jäne Twitter kompaniyaların Resey Ükimetiniñ Amerikadağı prezidenttik saylau qorıtındılarına äser etu oqiğasına qatısı bar-joğın anıqtauğa arnalğan aşıq tıñdalımğa şaqırdı. Osı jıldıñ 1 qaraşasında ötetin jiında alpauıt tehnologiyalıq kompaniyalar özderi jinap, zertteu komissiyasına wsınğan derekterdi tanıstırıp, Reseydiñ Donal'd Tramptı jasırın qoldağanı jöninde pikir bildiredi. Bwl turalı APF aqparattıq agenttigi jazdı. 

Aşıq tıñdalım Resey Amerikadağı Prezident saylauına aralastı degen küdikti rastaytın jaña derekterdiñ tabıluına baylanıstı wyımdastırılıp otır. Atalğan mäseleniñ aq-qarasın ajıratuğa jauaptılar amerikalıqtar bar şındıqtı joğarıda atalğan kompaniyalardan estigenin qalaytındarın jetkizdi.

Jaqında Facebook kompaniyası  ötken jılı Reseymen baylanısı bar dep tanılğan azamattar özderiniñ äleumettik jelidegi paraqşalarında Prezidenttik saylaudıñ barısına ıqpal etetin 3 mıñğa juıq jazbalar jariyalap, jarnamalıq kontent üşin olardıñ 100 mıñ AQŞ dolları köleminde qarjı tölegenin anıqtadı.

Kompaniya ökilderi atalğan jazbalardıñ tikeley bir kandidattıñ atın atap, belgili bir twlğanı qoldauğa şaqırmasa da, amerikalıq qoğamda közqarastar qayşılığın tudırıp, dauıs beruşilerdiñ arasında erekşe qoldauğa ie Hillari Klintonnıñ bedelin tömendetuge arnalğan degen oy bildirdi.

“The Qazaq Times”