Foto: dailynews.kz

2017 jılğı 1 qırküyektegi jağday boyınşa zeynetaqı jinaqtarınıñ jalpı soması 7,43 trln teñge boldı. Jıl basınan bergi ösim 741 mlrd teñgeni (11%) qwradı, dep habarlaydı qordıñ baspasöz qızmeti. 

"2017 jılğı 1 qırküyektegi jağday boyınşa şarttardıñ barlıq türleri boyınşa salımşılardıñ (aluşılardıñ) jeke zeynetaqı şottarınıñ (JZŞ) sanı 10,1 mln birlik, onıñ işinde mindetti zeynetaqı jarnaları (MZJ) esebinen 9,63 mln birlik boldı", - delingen baspasöz habarlamasında.

Mindetti käsiptik zeynetaqı jarnaları (MKZJ) boyınşa salımşılardıñ JZŞ sanı 432 mıñ birlikti, al erikti zeynetaqı jarnaları (EZJ) boyınşa şamamen 40 mıñ birlikti qwradı.

2017 jıldıñ basınan beri salımşılardıñ jeke zeynetaqı şottarına eseptelgen taza investiciyalıq tabıs soması 398,57 mlrd teñge boldı. Ağımdağı jıldıñ 1 qırküyegindegi  jağday boyınşa BJZQ zeynetaqı aktivteriniñ tabısı jıl basınan beri 5,78 payızdı qwradı. Bwl inflyaciya deñgeyinen 1,9 payızğa joğarı (inflyaciya 3,9% boldı).

2017 jıldıñ basınan beri, yağni 1 qañtar men 31 tamız aralığında BJZQ-dan tölengen zeynetaqı tölemderiniñ soması 148,57 mlrd teñge, onıñ işinde saqtandıru wyımdarına jasalğan audarımdar - 17,58 mlrd teñge boldı.

Ötken jıldıñ säykes kezeñinde zeynetaqı qorınan 118,54 mlrd teñge tölengen, onıñ işinde saqtandıru wyımdarına jasalğan audarımdar - 12,51 mlrd teñgeni qwrağan.

“The Qazaq Times”