Foto: Tengrinews

2017 jılğı 1 tamızda Qazaqstannıñ halıq sanı 18 mln 054,0 mıñ adamdı qwradı, onıñ işinde qalalıqtar – 10 mln 351,7 mıñ (57,3%), auıldıqtar – 7 mln 702,3 mıñ adamdı (42,7%) . 2016 jılğı 1 tamızben salıstırğanda halıq sanı 235,4 mıñ adamğa nemese 1,32% östi. Bwl turalı QR Wlttıq ekonomika ministrliginiñ baspasöz qızmeti habarladı.

Azamattardıñ hal aktilerin tirkeu organdarı wsınğan azamattıq hal aktileri jazbalarındağı mälimetterdi öñdeu nätijesinde, 2017 jılğı qañtar-şildede tuğandar sanı 222,8 mıñ adamdı qwradı, bwl 2016 jılğı qañtar-şildege qarağanda 6,5% az.

2017 jılğı qañtar-şildede respublika halqınıñ tabiği ösimi 2016 jılğı qañtar-şildemen salıstırğanda 15,3 mıñ adamğa nemese 9,5% kemip, 145,5 mıñ adam boldı. Tabiği ösimniñ jalpı koefficienti - 1000 adamğa şaqqanda 13,89 adam.

Qarastırılıp otırğan kezeñde qaytıs bolğandar sanı 77,3 mıñ adamdı qwradı, bwl 2016 jılğı qañtar-şildege qarağanda 0,4% az.

2017 jılğı qañtar-şildede respublikada 1 jasqa deyingi 1876 näreste ölimi tirkeldi. 2016 jılğı qañtar-şildemen salıstırğanda 1 jasqa deyingi şetinegen näreste sanı 15,2% azaydı.

Näreste ölim-jitiminiñ negizgi sebebi - perinataldıq kezeñde payda bolatın jağdaylar, bwdan 2017 jılğı qañtar-şildede 949 näreste qaytıs bolıp, näresteler arasındağı jalpı ölim sanınıñ 50,6% qwradı. Tua bitken auıtqulardan 435 nemese 23,2%, tınıs organdarı aurularınan – 117 nemese 6,2% jäne jazatayım jağdaydan, ulanudan jäne jaraqattan – 100 nemese 5,3% näreste qaytıs boldı.  2017 jılğı qañtar-şildede näreste ölim-jitiminiñ koefficieti 1000 tuğandarğa şaqqanda 8,42 qwradı.

 

Köşi-qon qızmeti organdarı wsınğan mälimetterdi öñdeu nätijesinde, 2017 jılğı qañtar-şildede elimizge twrğılıqtı twruğa kelgenderdiñ tirkelu sanı 2016 jılğı qañtar-şildemen salıstırğanda 39,1% köbeyip, 9 711 adamdı qwradı. Elimizden ketken köşip-qonuşılardıñ tirkelu sanı 2,3% köbeyip,
19 407 adamdı qwradı, köşi-qonnıñ ayırımı -9 696 adam boldı.

Elimizdegi negizgi köşi-qon almasuı TMD memleketterimen boluda.

  • TMD elderinen kelgenderdiñ ülesi 70,8%;
  • TMD elderge ketkenderdiñ ülesi 89,6% qwradı.

Öñiraralıq köşip-qonuşılardıñ ülesine elimizdiñ jalpı işki köşip-qonuşılar sanınıñ 34,4% kwradı. Öñiraralıq köşi-qonnıñ oñ ayırımı:

  • Astana qalası – 24 084 adam;
  • Almatı qalası – 14 944 adam;
  • Aqmola oblısı – 1 836  adam;
  • Atırau oblısı – 151 adam qalıptastı.

“The Qazaq Times”