Foto: RIA

Wlıbritaniya Euroodaq twrğındarın jii deportaciyalaytın bolğan. Mwnday qorıtındını soñğı jıldarı elden deportaciyalanğan azamattardıñ statistikasına taldau jasağan Independent basılımınıñ jurnalisteri jasap otır. 

2010-2011 jıldar aralığında Wlıbritaniya Euroodaqtıñ 1 mıñ 19 azamatın elden şığaru turalı şeşim qabıldasa, 2015-2016 jıldarı 3 mıñ 485 europalıq Ükimettiñ qırına ilikken.

Wlıbritaniya Ükimeti atalğan mälimdemeni deportaciyalanğan ärbir azamattıñ naqtı negizdemesi bar ekendigimen jäne soñğı kezderi  qoğamdıq tärtipbwzuşılıqtar men qılmıstardıñ jiiley tüsuimen tüsindiredi.

Wsaq tärtipbwzuşılıq faktilerin birneşe ret qaytalağan azamat pen köşede tünegen şeteldik te endi deportaciyağa wşıraydı. Wlıbritaniyanıñ İşki ister ministri kömekke şınımen mwqtaj azamattardı zañsız deportaiyadan saqtau üşin, qayırımdılıq qorları men ärtürli äleumettik wyımdardıñ jwmısın üylestirip otırğandarın aytadı.

“The Qazaq Times”