Foto: Alau-TV

Jurnalister arasında din salasındağı özekti mäselelerge qatıstı üzdik şığarmalarğa bayqau jariyalandı. Bayqaudı Wlttıq jurnalistik zertteu ortalığı wyımdastırdı. Bayqauğa äl-Farabi atındağı QazWU-dıñ jurnalistika fakul'teti qoldau tanıtıp otır.

Bayqau 2017 jıldıñ 1 mausımı men 1 qazanı aralığında wyımdastırıladı. Jeñimpazdardı marapattau 18 qazan – QR Ruhani kelisim küni merekesi qarsañında Almatı qalasında ötedi.

Bayqau jüldesiniñ jalpı qorı – 1 000 000 teñge.

Bayqaudıñ maqsatı:

- Dini senim bostandığına baylanıstı QR memlekettik sayasatın, negizgi wstanğan wstanımın, sayasatın tüsindiru, qoğam nazarın din salasındağı türli mäselelerge audaru;

- Wlt müddesine nwqsan keltiretin türli dini teris ağımdar men ekstremistik toptarğa qarsı küresti küşeytuge üles qosu, jat piğıldı toptarğa qarsı aqparattıq kampaniyanı qwru;

- Bolaşaq wrpaq boyına wlttıq dil men dästür jöninde tälim-tärbieni siñiru;

Bayqau nominaciyaları:

Dini ekstrmemizmniñ aldın aluğa baylanıstı bayqau kelesi nominaciyalar boyınşa jürgiziledi:

- Üzdik äleumettik beynerolik;

- Üzdik tele bağdarlama;

- Üzdik radio bağdarlama;

- Internet jelisindegi qazaq tilindegi eñ üzdik material;

- Internet jelisindegi orıs tilindegi eñ üzdik material;

- Merzimdik basılımdardağı qazaq tilindegi eñ üzdik maqala;

- Merzimdik basılımdardağı orıs tilindegi eñ üzdik maqala;

- Üzdik internet jeli;

- Äleumettik jelilerdegi eñ üzdik belsendi qoğamdıq top;

- Eñ belsendi bloger;

Bayqau şarttarı:

Almatı qalasında tirkelgen BAQ-tağı kez kelgen jurnalist qatısa aladı. BAQ basşılığınıñ rwqsatı talap etilmeydi. Bayqau eki tilde ötedi.

Bayqauğa 2017 jılğı 1 mausımnan bastap 1 qazan aralığında jariyalanğan materialdar qabıldanadı.

Bastı qoyılatın talap – Qazaqstannıñ zayırlı memlekettik qwrılımın qarapayım äri wğınıqtı tilmen tüsindiru, memlekettik sayasattıñ zañnamalıq talaptarın wğındıru, dini ekstremistik ağımdardı äşkereleu, dästür men dinniñ özara baylanısın jetkizu, dini ekstremizmniñ aldın alu, teris dini toptardıñ ideologiyası men olardıñ ziyandığın aşıp körsetu.

Qandayda bir dini wstanımdı nemese dindi nasihattauğa bağıttalğan materialdar qabıldanbaydı.

Bayqauğa qatısuşılar Wyımdastıru komitetine (Almatı qalası, äl-Farabi dañğılı, 71-üy, QazWU-dıñ jurnalistika fakul'teti, №218 bölme, baylanıs telefonı: 87775654078) habarlasa aladı.

Mınaday qwjattardı qosa jiberilui tiis:

1) jurnalist turalı aqparat:

- avtor turalı mağlwmat /tuğan jeri, küni, ayı, jılı, telefon/;

- jwmıs isteytin BAQ anıqtaması.

2) bayqau materialı jariyalanğan gazet-jurnaldıñ tüpnwsqası, sayttağı material skrinşotpen jäne qağazdıq nwsqası, tele-radio bağdarlamalardıñ DVD, CD formatındağı diskilerge jazılğan nwsqası (qağazğa tüsirilgen nwsqasımen birge).

Bayqau kezeñderi:

  1. Bayqauğa qatısuşılardan materialdardı qabıldau (1 qazanğa deyin);
  2. Materialdardı saraptau jäne jeñimpazdardı anıqtau (1-10 qazan aralığı);
  3. Bayqau jeñimpazdarın saltanattı marapattau (Ruhani kelisim küni qarsañı).

Bayqau jeñimpazdarın marapattau:

Bayqaudı wyımdastıru komiteti jürgizip, jeñimpazdardı 5 nemese 7 adamnan twratın qazılar alqası tañdaydı. Alqa bayqau marapatı bastalğanşa qwpiya türde saqtaladı. Bayqauğa wsınılğan materialdar qaytarılmaydı. Bayqau jeñimpazdarı arnayı nominaciyalar boyınşa tağayındalğan aqşalay jüldelermen jäne arnayı diplomdarmen marapattaladı.

 “The Qazaq Times”