Saud Arabiyasınıñ koroli. Foto: The Independent.

Ötken aptanıñ soñında, bir ğana telefon qoñırauı wzaqqa sozılğan Katar dağdarısına oñdı özgerister alıp kelgen edi. BBC jañalıqtar qızmetiniñ jäne «äl-Jazira» agenttiginiñ 9 qırküyektegi habarında, 8 qırküyek küni Saud Arabiyası Korol'diginiñ hanzadası men Katar ämiri telefon arqılı söylesip, eki el arasındağı kirbeñdikti oñdı jolmen şeşuge keliskeni turalı aytılğan. Degenmen sonıñ ertesinde, yağni, 9 qırküyek küni Saud Arabiyası öziniñ resmi aqparat agenttigi arqılı bwl qadamdarğa qarama-qayşı şeşim jariya etti. Bwl turalı "Şinlañ" aqparattıq saytı jazdı.

Saud Arabiyasınıñ resmi aqparat agenttigi 9 qırküyek küni tañerteñgi habarında, qoñırau kezinde Katar ämiri 4 eldiñ talaptarı boyınşa kelisim jürgizuge äzir ekenin aytqan. Bwğan Saud Arabiyası hanzadası da alğıs bildirdi degen edi. Alayda, Katar Aqparattıq agenttigi qoñıraudıñ naqtı mazmwnın jariyaladı. Äri bwl qadamnıñ AQŞ prezidenti Donal'd Tramptıñ ötinişi arqılı jasalğanın aşıq ayttı. Sonday-aq, taraptardıñ basşıları dağdarıstı dialog arqılı şeşu kerek degen.

Oñdı qadam nege qırın qarap ketti? Äñgimeniñ biltesi – Saud Arabiyası tarabı Katar aqparattıq agenttiginiñ söylesu mazmwnın jariya etkenine  qattı aşulandı. Äri, Sırtqı ister ministrligi Katardı "faktilerdi bwrmaladı" dep ayıptap: «Bwnıñ özi Katardıñ dialogke şığuı şınayı niette emes ekenin körsetedi», – dep mälimdedi. Sonımen Saud Arabiyası Katarmen bolğan barlıq dialogtar men baylanıstardı toqtatatının jariya etti. Äri bwl şeşimi, Katar jaqtıñ poziciyanı naqtılau üşin aşıq mälimdeme şığarğanğa deyin jalğastıratın boldı. Tipti osı habardı taratıp jibergen Kuveyttiñ aqparat medialarına da «ökpelegen».

Mineğ osılay bir qoñıraudıñ bastağan oñdı jañalığı bir künnen keyin eki jaqtıñ jaña janjalına aynalıp şığa berdi. Dese de, Saud Arabiyası hanzadasınıñ mwragerlik lauazımğa otırğannan beri Saud Arabiyasımen Şığanaq elderi arasındağı diplomatiyalıq qatınastı barınşa qoldap kele jatqanın anıq bayqaymız.

“The Qazaq Times”