foto: aa.com.tr

Amerikadağı oyın-sauıqtıq "Netflix" onlayn-kompaniyası Saud Arabiyasına taraytın satiralıq tele şoudı bwğattadı. «Hasan Minhajben birge patriottıq akt» dep atalatın bağdarlama Saud karol'diginiñ şağımınan keyin körermen közinen tasa bolğan.

Atalğan bağdarlamada jürgizuşi Hasan Minhaj jurnalist Jamal Haşoggidiñ ölimine qatıstı Arabiyanıñ taq mwrageri Mwhammed bin Salmandı sınğa alğan. Bwl jağdayğa şamdanğan Saudiya karol'digi özderiniñ uäjderin aytıp, onlayn arnanıñ Er-Riyad aumağında körsetilmeuine qol jetkizdi.

Al, mwnday mälimdege öz pikirin bildirgen Hasan Minhaj: «Tez arada uşıqqan jurnalistiñ qazasına baylanıstı «Uaşington post» basılımı taq mwrageriniñ beynesin reformator retinde körsetken. Alayda, meniñ oyımşa, taq mwrageri şın mäninde reformator emes. Bwl meniñ mwsılman jäne amerikalıq retindegi közqarasım», dep jetkizdi.

Bwdan bölek, onlayn-kompaniyanıñ bwğattaluın Halıqaralıq qoğamdıq qwqıqtardı qorğaytın wyımnıñ ökili Sara Liya Uitson birden sınğa alıp, «Netflix» kompaniyasınıñ şığarmaşılıq erkindigi tükke twrğısız ekendigin Tuitter paraqşasında jariyaladı. Onıñ oyınşa, ärbir şeneuniktiñ talabına bas wrıp, jurnalisterdiñ jwmısına kedergi jasau, demokratiyalıq eldegi täueldiliktiñ belgisi ekendigin atap körsetken.

"The Qazaq Times"