foto: aa.com.tr

Türkiya sotınıñ ükimi boyınşa, Saud Arabiyası barlau qızmetiniñ eks-basşısı Ahmet Asiri jäne taq mwrageriniñ eks-keñesşisi Saud äl-Kahtanidiñ jurnalist Jamal Haşoggidiñ ölimine qatısı bar ekendigi anıqtalıp, izdeu jariyalandı.

Qazan ayında amerikalıq Washington Post basılımımen belsendi türde seriktestik tanıtqan saudiyalıq jurnalist Jamal Haşoggi, Stambuldağı Saud Arabiyasınıñ konsuldığına kirip, iz-tüssiz joğalğandığı belgili bolğan. Arada birneşe kün ötkennen keyin onı buındırıp öltirip, denesin bölşektep qwdıqqa tastağandığı anıqtaldı. Osı iske qatısı bar degen küdikpen Saud Arabiyasınıñ 18 joğarı lauazımdı şeneuniki qwrıqtalğan bolatın. Bwl oqiğadan keyin birneşe el türli qaru satudan bas tartıp, Kanada eli sankciya salğan edi. Tipti, taq mwrageriniñ qatısı bar degen küdik äuel basta şıqsa da, osı uaqıtqa deyin anıqtalmay otır. CRU-dıñ mälimdemesin kütip otırğan AQŞ pen Wlıbritaniya elderiniñ taq mwrageriniñ kinäsi anıqtalğan jağdayda Saud Arabiyasına salatın sankciyaları da dayın. Biraq, Donal'd Tramp öziniñ ekonomikalıq seriktesin qorğaştap, CRU-dıñ naqtı mälimdemesin keyinge şegerumen älek.

Esteriñizge sala keteyik, osı oqiğa basılım betterine şığıp, qızu talqığa tüskennen keyin Saud Arabiyasınıñ taq mwrageri auısuı mümkin degen qaueset te el arasında tarap ketken bolatın. Endi barlığı soñğı şeşimniñ qanday bolatındığın kütip otırğan sıñaylı.

"The Qazaq Times"