QR Parlamenti Mäjilisiniñ Qarjı jäne byudjet komitetiniñ müşesi, deputat Amanjan Jamalov. Foto: Kazday

Deputat, Qazaqstan Respublikası Parlamenti Mäjilisiniñ Qarjı jäne byudjet komitetiniñ müşesi Amanjan Jamalov teñge kursın manipulyaciyalap otırğandardı jazalau keregin ayttı.

Ol valyuta narığındağı jağdayğa pikir bildire otırıp, narıqta manipulyaciya bolıp otırğanın alğa tarttı.

"Wlttıq Banktiñ, Qarjı ministrliginiñ jäne Ekonomika ministrliginiñ derekteri boyınşa teñgeniñ ayırbas bağamı mwnay bağası, resey rubli, ekonomikanıñ jay-küyi siyaqtı negizgi faktorlar äserinen qalıptasadı. Alayda biz valyuta narığınan basqa jağdaydı bayqap, qazirgi kezde teñgeniñ älsireuine eşbir makroekonomikalıq jağday äser etpegenin körip otırmız. Köptegen qazaqstandıqtardıñ kökeyinde "Bwl ne jağday?" degen swraq tuındap otır. Sebebi mwnay bağası nığayıp, resey rubli twraqtı jäne Qazaqstannıñ ekonomika körsetkişi jaqsarğanına qaramastan, teñge qwbılıp twr" - dedi ol.

"Meniñşe, teñge bağamı valyuta narığındağı swranıs pen wsınısqa baylanıstı bolğan künniñ özinde, onıñ qalıptasuına işki valyuta narığındağı mölşeriniñ  öte az boluı ülken röl atqarıp otır. Mäselen, osı jıldıñ mausım ayında Wlttıq bankke teñge bağamın belgileu üşin 101 million dollar jetkilikti boldı, al tamızda bwl körsetkişti teñestiru üşin 70 million dollar qajet boldı. YAğni, keybir iri oyınşılardıñ narıqqa qatısuı jäne olardıñ kelissözderi teñge bağamınıñ auıtquına äkelui mümkin jäne ayırbas bağamınıñ ayırmaşılığına  baylanıstı alıpsatarlıqtan ülken payda taba aladı", - dedi mäjilismen.

Osılayşa ol Wlttıq bankten mwnday manipulyaciyanıñ artında kim twrğanın jäne mwnıñ kimge payda bolıp otırğanın tüsindirudi swradı. Sonday-aq, ol Äkimşilik qwqıq bwzuşılıq turalı kodekste narıq sub'ektileriniñ bäsekelestikke qarsı kelisimderi men insayderlik aqparattı zañsız paydalanğandar üşin jauapkerşilik qarastıratının atap ötti.

"Alayda bwl kodeks valyuta narığında manipulyaciya jasağandardı jauapqa tarta almaydı. Sondıqtan Wlttıq bank valyuta narığındağı manipulyaciyağa qarsı ayıppwl türindegi jauapkerşilik şaraların qarastıru kerek", - dedi ol.

Ayta keteyik, soñğı  on künde, yağni 2017 jılğı 21 tamız ben 6 qırküyek aralığında  AQŞ dollarına qatıstı teñge bağamı 2,6%-ğa älsiregen. Wlttıq banktiñ mälimetinşe, bwl bankterdiñ, kompaniyalardıñ jäne halıq tarapınan şetel valyutasına degen swranıstıñ artıp ketuimen baylanıstı.

“The Qazaq Times”