Foto: Kapital.kz

"Samwrıq-Qazına" Wlttıq äl-auqat qorı qol astındağı kompaniyalardı Astana halıqaralıq qarjı ortalığı arqılı IPO-ğa şığaru mümkindigin qarastırıp jatır. Bwl turalı Qordıñ Ükimetpen baylanıs jönindegi basqaruşı direktorı Nwrlan Rahmetov  mälimdedi.

Onıñ aytuınşa, qazirgi uaqıtta qor eki jaqtı bağıttı qarastırıp jatır. Onıñ biri - kompaniyalardı  IPO-ğa dayındau bolsa, ekinşisi - "Astana" HQA-men saudanı ötkizu boyınşa kelissözder jürgizu.

"Biz AHQO-men kelisim jasap jatırmız jäne jaqın arada aşılıp qaluımız mümkin. Eger bizdiñ IPO-ğa şığaru turalı josparımız ben olardıñ aşılu küni säykes keletin bolsa, biz osı alañda sauda jürgizudi qarastıratın bolamız. Biraq mwnıñ qaşan bolatını äli belgisiz. IPO-ğa dayındıq - öte näzik process, qazir biz investiciyalıq bankter jäne konsul'tanttarmen belsendi jwmıs isteudemiz. Meniñ oyımşa, ornalastırudıñ merzimi men ornı turalı eñ oñtaylı şeşim keyinirek qabıldanatın boladı", - dedi ol.

Sonday-aq, Rahmetov IPO eşalonına aldımen "Eyr Astana" men "Qazatomönerkäsip" şığatının jäne atalğan kömpaniyalarğa qatıstı belsendi jwmıs jürgizilip jatqanın ayttı.

"Alayda olardıñ da qaşan şığarılatının naqtı ayta almaymın. Biraq özderiñiz biletindey Prezident bwğan asıqpau keregin aytqan. Bastısı halıqqa payda bolu kerek", - dedi ol.

“The Qazaq Times”