فوتو: Kapital.kz

"سامۇرىق-قازىنا" ۇلتتىق ءال-اۋقات قورى قول استىنداعى كومپانيالاردى استانا حالىقارالىق قارجى ورتالىعى ارقىلى IPO-عا شىعارۋ مۇمكىندىگىن قاراستىرىپ جاتىر. بۇل تۋرالى قوردىڭ ۇكىمەتپەن بايلانىس جونىندەگى باسقارۋشى ديرەكتورى نۇرلان راحمەتوۆ  مالىمدەدى.

ونىڭ ايتۋىنشا، قازىرگى ۋاقىتتا قور ەكى جاقتى باعىتتى قاراستىرىپ جاتىر. ونىڭ ءبىرى - كومپانيالاردى  IPO-عا دايىنداۋ بولسا، ەكىنشىسى - "استانا" حقا-مەن ساۋدانى وتكىزۋ بويىنشا كەلىسسوزدەر جۇرگىزۋ.

ء"بىز احقو-مەن كەلىسىم جاساپ جاتىرمىز جانە جاقىن ارادا اشىلىپ قالۋىمىز مۇمكىن. ەگەر ءبىزدىڭ IPO-عا شىعارۋ تۋرالى جوسپارىمىز بەن ولاردىڭ اشىلۋ كۇنى سايكەس كەلەتىن بولسا، ءبىز وسى الاڭدا ساۋدا جۇرگىزۋدى قاراستىراتىن بولامىز. بىراق مۇنىڭ قاشان بولاتىنى ءالى بەلگىسىز. IPO-عا دايىندىق - وتە نازىك پروتسەسس، قازىر ءبىز ينۆەستيتسيالىق بانكتەر جانە كونسۋلتانتتارمەن بەلسەندى جۇمىس ىستەۋدەمىز. مەنىڭ ويىمشا، ورنالاستىرۋدىڭ مەرزىمى مەن ورنى تۋرالى ەڭ وڭتايلى شەشىم كەيىنىرەك قابىلداناتىن بولادى", - دەدى ول.

سونداي-اق، راحمەتوۆ IPO ەشالونىنا الدىمەن "ەير استانا" مەن "قازاتومونەركاسىپ" شىعاتىنىن جانە اتالعان كومپانيالارعا قاتىستى بەلسەندى جۇمىس جۇرگىزىلىپ جاتقانىن ايتتى.

"الايدا ولاردىڭ دا قاشان شىعارىلاتىنىن ناقتى ايتا المايمىن. بىراق وزدەرىڭىز بىلەتىندەي پرەزيدەنت بۇعان اسىقپاۋ كەرەگىن ايتقان. باستىسى حالىققا پايدا بولۋ كەرەك", - دەدى ول.

“The Qazaq Times”