Foto: AFP

Barak Obama AQŞ Prezidenti Donal'd Tramptıñ bastamasımen Amerikadağı bosqın jastardıñ DACA bağdarlamasın jabu turalı şeşimge qarsılıq bildirdi. Bwl turalı BBC aqparattıq agenttigi jazdı. 

Barak Obamanıñ bastamasımen 2012 jılı 15 mausımda qwrılğan bağdarlama (Deferred Action for Childhood Arrivals nemese DACA) Amerikağa bala kezinde kelgen zañsız immigrant jastardı 2 jıl boyı deportaciyalaudan qorğap, jwmıs isteuge rwqsat aluğa kömektesedi. Bwl memlekettik emes organ qazirdiñ özinde beyresmi "Armanşıldar" (Dreamers) atanğan 600 mıñ immigrant jastı qamqorlığına alıp otır.

Donal'd Tramptıñ aytuı boyınşa, şeşim qabıldanğannan keyin 6 aydıñ işinde immigrant jastarğa eşkim tiispeydi. Al bağdarlamağa ötinim bergenderdiñ qwjattarı osı kezden bastap mülde qabıldanbaydı.

Kongresttiñ birlesken otırısında DACA bağdarlamasın zañdastıru boyınşa talqılaular ötedi. AQŞ Prezidenti Amerikada jwmıs istep jürgen immigrant jastardı qaldıruğa bar küşin salatının jetkizdi. Eger Demokrattar men Respublikalıqtar ortaq şeşimge kele almasa, Donal'd Tramp mäseleni qayta qarastırmaq.

Barak Obama atalğan bağdarlamanı toqtatu turalı şeşimniñ qate ekenin aytıp, kelispeuşiligin bildirdi.

“The Qazaq Times”