Foto: Reuters

Braziliya resmi türde memlekettiñ bwrınğı prezidentteri Rusef Dilma men Luis Inasiu Lula da Silvanı Petrobras mwnay kompaniyasına qatıstı jemqorlıq isi üşin ayıptadı. Bwl turalı Äl-Jazira aqparattıq agenttigi jazdı.

Atalğan qılmıstıq iste bas ayıptauşınıñ rölin atqaratın Rodrigo YAnot Jwmısşılar partiyasınıñ Rusef Dilma men Lul da Silvanı qosa eseptegende 6 müşesi mwnay kompaniyasınan zañsız jolmen aqşa jımqırıp, jemqorlıq jasağandarın jetkizdi.

Bwl 2016 jılı impiçmentten keyin bilikten ketken Rusef Dilmağa qarsı wsınılıp otırğan alğaşqı ayıptau. Eks-prezidentterge tağılğan kinäğa qaramastan, olar Braziliyadağı eñ ıqpaldı sayasatkerler qatarında qalıp otır. 2018 jılı Prezidenttik saylauğa kandidaturasın wsınğalı otırğan Lula da Silva üşin atalğan sot procesi jağımsız jañalıq boldı.

Bas Prokuraturanıñ aytuınşa, qılmıstıq top jemqorlıqpen 2002 jıldan 2016 jıldıñ mamır ayına deyin aynalısıp kelgen.

Jwmısşılar partiyasınıñ ökilderi odaqtastarına tağılğan ayıptaulardı joqqa şığarıp, bwl oqiğanı halıqtıñ nazarın osığan deyin paraqorlıq babı boyınşa jauapqa tartılğan federaldı prokurordıñ isinen basqa tarapqa audaru üşin wyımdastırılğan dep esepteydi. Rusef Dilmanıñ ökili Prokuraturanıñ naqtı eşqanday dälelder men ayğaqtar wsınbağanın aytadı.

“The Qazaq Times”