Foto: aljazeera.com

Süriya men onıñ odaqtastarınıñ äskeri küşteri Äl-Harata mwnay ken ornın basıp alğannan soñ, "Islam memleketi" lañkestik wyımınıñ qol astındağı Dayr-äz-Zaur qalasına bet aldı. Bwl turalı "Äl-Jazira" aqparattıq agenttigi jazdı. 

"Islam memleketi" lañkestik wyımı qala işindegi ükimettik anklav pen jaqın mañda ornalasqan äskeri bazanı eseptemegende, şahardı tügel ieligine alğan. Dayr-äz-Zaur aymağınıñ gubernatorı Mwhammed Ibragim Samra Reuters aqparattıq agenttigine bergen swhbatında, Süriya äskeri qaladan 18-20 km qaşıqtıqta ekenin jäne 24-48 sağat işinde azat etu jwmıstarın bastaytının jetkizdi.

Senbi küni "Hezbolla" bastağan top Dayr-äz-Zaurdıñ batısındağı Jebel-äl-Başri mekenin bosatıp, qalağa 30 km jerge kelip tayadı.

"Islam memleketi" lañkestik wyımınıñ sodırları men olardıñ otbasılarınan twratın 17 avtobus Dayr-äz-Zaur qalasına bağıt alğan jolda Süriya äskeriniñ şabuılına tap bolıp, maqsat qılğan mejesinen jañıldı. Soñğı jeñister eldiñ äskeri küşteri men onıñ odaqtastarınıñ qalanı azat etu operaciyasınıñ sätti öterine degen senimdi küşeytedi.

“The Qazaq Times”