1 säuir Reseyde armiya qatarına jaña äskerler qabıldaudıñ köktemgi nauqanı resmi bastaldı. Prezident Putin äsker qatarına 134 mıñ 500 jaña sarbaz şaqıru jöninde bwyrıq berdi. Bwl ärine Ukraina jerinde soğıs batpağına batıp jatqan eldiñ armiyasına qajetti san, alayda Reseydiñ özinde äsker qatarına ötuge degen belsendilikten köri narazılıq basım ekeni bayqaladı.

Eldiñ qorğanıs ministri Şoygu ötken aptadağı mälimdemesinde biılğı jılı armiya sabına qosılğan jas sarbazdar eşqanday soğıs maydanına nemese basqa da qaqtığıs oşaqtarına tartılmaydı degen uädesin berdi. Bwnısı ärine äsker qatarına ötuge narazı jastardı ıntalandıru üşin aytılğanı belgili.

El azamattarı Şoygudiñ uädesine sene almay otır. Sebebi, jeterlik dayındıqtan ötpegen jas sarbazdardıñ soğısqa tartılıp ketui Resey tarihında bolğan. Şeşenstandağı soğıs ta sonıñ biri. Qazirdiñ özinde Ukrainada qolğa tüsken reseylik sarbazdar arasında armiya qatarında köp bolmağan jas sarbazdardıñ da köp ekenin bayqaymız.

Resey Federaciyasınıñ zañı jası 18-27 aralığındağı barlıq er azamattardı bir jıl äskeri qızmette boluğa mindettegen. Alayda, basım köbi densaulıq jağdayın nemese joğarı oqu orındağı oquın alğa tartıp äsker boludan jaltaruğa tırısadı.

The Qazaq Times