Agrariler jeñildik şarttarımen şaruaşılıq tehnkaların satıp ala aladı

Auıl şaruaşılığı ministrligi auıl şaruaşılıq tehnikaların jañartu jäne otandıq maşina jasaudı damıtudı jedeldetu boyınşa şaralardı äzirledi. Bwl turalı Auıl şaruaşılığınıñ birinşi vice-ministri Qayrat Aytuğanov mälimdedi dep habarladı ministrliktiñ baspasöz qızmeti.

Ministrliktiñ mälimetinşe, qazirgi kezde respublika boyınşa auıl şaruaşılığı tehnikasınıñ 284 mıñ danası bar. Onıñ 70%-nıñ eksplutaciyalau merzimi 15 jıldan asadı.

Sonımen şarualardı qoldaudıñ bir türi – otandıq tehnikalar men jabdıqtarğa jeñildetilgen nesie beru.

Jeñildetilgen nesieni «KazAgro» WBH AQ-nıñ qarajatı esebinen jıldıq mölşerlemesi 5,5%-dan aspaytın 10 jılğa deyingi merzimge şarualarğa beru qarastırılğan.

Sonday-aq, jeñildetilgen nesie otandıq käsiporındardan şıqqan aspalı jäne tirkemeli jabdıqtarğa beriledi. Osınday otandıq auıl şaruaşılığı tehnikasın şığaratın käsiporındardıñ biri – Aqmola oblısındağı «Qazaqstan Agro Innovaciyalıq korporaciyası» JŞS. Atalğan korporaciyanıñ direktorı Oleg Balıbin käsiporın swranısqa ie bağası qımbat emes, aspalı jäne tirkemeli auıl şaruaşılığı tehnikaların şığarudı arttıratının atap ötti.

“The Qazaq Times”