اگراريلەر جەڭىلدىك شارتتارىمەن شارۋاشىلىق تەحنكالارىن ساتىپ الا الادى

اۋىل شارۋاشىلىعى مينيسترلىگى اۋىل شارۋاشىلىق تەحنيكالارىن جاڭارتۋ جانە وتاندىق ماشينا جاساۋدى دامىتۋدى جەدەلدەتۋ بويىنشا شارالاردى ازىرلەدى. بۇل تۋرالى اۋىل شارۋاشىلىعىنىڭ ءبىرىنشى ۆيتسە-ءمينيسترى قايرات ايتۋعانوۆ مالىمدەدى دەپ حابارلادى مينيسترلىكتىڭ ءباسپاسوز قىزمەتى.

مينيسترلىكتىڭ مالىمەتىنشە، قازىرگى كەزدە رەسپۋبليكا بويىنشا اۋىل شارۋاشىلىعى تەحنيكاسىنىڭ 284 مىڭ داناسى بار. ونىڭ 70%-نىڭ ەكسپلۋتاتسيالاۋ مەرزىمى 15 جىلدان اسادى.

سونىمەن شارۋالاردى قولداۋدىڭ ءبىر ءتۇرى – وتاندىق تەحنيكالار مەن جابدىقتارعا جەڭىلدەتىلگەن نەسيە بەرۋ.

جەڭىلدەتىلگەن نەسيەنى «كازاگرو» ۇبح اق-نىڭ قاراجاتى ەسەبىنەن جىلدىق مولشەرلەمەسى 5,5%-دان اسپايتىن 10 جىلعا دەيىنگى مەرزىمگە شارۋالارعا بەرۋ قاراستىرىلعان.

سونداي-اق، جەڭىلدەتىلگەن نەسيە وتاندىق كاسىپورىنداردان شىققان اسپالى جانە تىركەمەلى جابدىقتارعا بەرىلەدى. وسىنداي وتاندىق اۋىل شارۋاشىلىعى تەحنيكاسىن شىعاراتىن كاسىپورىنداردىڭ ءبىرى – اقمولا وبلىسىنداعى «قازاقستان اگرو يننوۆاتسيالىق كورپوراتسياسى» جشس. اتالعان كورپوراتسيانىڭ ديرەكتورى ولەگ بالىبين كاسىپورىن سۇرانىسقا يە باعاسى قىمبات ەمەس، اسپالى جانە تىركەمەلى اۋىل شارۋاشىلىعى تەحنيكالارىن شىعارۋدى ارتتىراتىنىن اتاپ ءوتتى.

“The Qazaq Times”