Foto: National Business

Osı jıldıñ jartı jıldığında mwnay şikizatınıñ eksport bağası ötken jıldıñ säykes kezeñine qarağanda 27,2 payızğa wlğayğan. Al fizikalıq kölemi 3 payızğa artqan. Jalpı alğanda şikizat mwnayınıñ eksport köleminiñ qwnı men gaz kondensatınıñ kölemi 46 payızğa ösken.  Energyprom.kz saraptama agenttigi osınday mälimet keltirip otır. 

Sonımen osı jıldıñ jartısında 12,8 mlrd dollarğa 33,2 mln tonna şikizat mwnayı eksporttalğan, bwl Energetika ministrliginiñ boljamınıñ 51 payızın qwraydı. Al mwnaydı öndiru 10 payızğa artıp, 42,6 mln tonnanı qwrağan.

Osılayşa öndirilgen mwnaydıñ 78 payızı eksportqa jiberilgen. İşki narıqta şiki mwnay kölemi 38 payızğa köbeyip, 9,4 mln tonnanı qwradı. Sonday-aq, işki narıqtağı bağa eksporttalatın mwnayğa qarağanda 2,5 esege tömen eken.

Eksporttalatın mwnaydıñ 73 payızı 5 europalıq elge tasımaldanadı. Mısalı Italiyağa 4,3 mlrd dollarğa (+45%), Niderlandığa 1,9 mlrd dollarğa (+58%), Franciyağa 1,5 mlrd dollarovğa (+83%), Şveycariyağa 1,2 mlrd dollarğa (+31%), Ispaniyağa 0,6 mlrd dollarğa (+10%) mwnay tasımaldanğan.

Mwnay şikizatınıñ eksporttaluı memlekettik byudjet üşin tiimdi. Desek te eldegi janarmay otındarınıñ qımbat boluı  işki şikizat narığınıñ dwrıs qamtamasız etilmeytinin körsetedi.

“The Qazaq Times”