وسى جىلدىڭ جارتى جىلدىعىندا مۇناي شيكىزاتىنىڭ ەكسپورت باعاسى وتكەن جىلدىڭ سايكەس كەزەڭىنە قاراعاندا 27,2 پايىزعا ۇلعايعان. ال فيزيكالىق كولەمى 3 پايىزعا ارتقان. جالپى العاندا شيكىزات مۇنايىنىڭ ەكسپورت كولەمىنىڭ قۇنى مەن گاز كوندەنساتىنىڭ كولەمى 46 پايىزعا وسكەن. Energyprom.kz ساراپتاما اگەنتتىگى وسىنداي مالىمەت كەلتىرىپ وتىر.
سونىمەن وسى جىلدىڭ جارتىسىندا 12,8 ملرد دوللارعا 33,2 ملن توننا شيكىزات مۇنايى ەكسپورتتالعان، بۇل ەنەرگەتيكا مينيسترلىگىنىڭ بولجامىنىڭ 51 پايىزىن قۇرايدى. ال مۇنايدى ءوندىرۋ 10 پايىزعا ارتىپ، 42,6 ملن توننانى قۇراعان.
وسىلايشا وندىرىلگەن مۇنايدىڭ 78 پايىزى ەكسپورتقا جىبەرىلگەن. ىشكى نارىقتا شيكى مۇناي كولەمى 38 پايىزعا كوبەيىپ، 9,4 ملن توننانى قۇرادى. سونداي-اق، ىشكى نارىقتاعى باعا ەكسپورتتالاتىن مۇنايعا قاراعاندا 2,5 ەسەگە تومەن ەكەن.
ەكسپورتتالاتىن مۇنايدىڭ 73 پايىزى 5 ەۋروپالىق ەلگە تاسىمالدانادى. مىسالى يتالياعا 4,3 ملرد دوللارعا (+45%), نيدەرلاندىعا 1,9 ملرد دوللارعا (+58%), فرانتسياعا 1,5 ملرد دوللاروۆعا (+83%), شۆەيتسارياعا 1,2 ملرد دوللارعا (+31%), يسپانياعا 0,6 ملرد دوللارعا (+10%) مۇناي تاسىمالدانعان.
مۇناي شيكىزاتىنىڭ ەكسپورتتالۋى مەملەكەتتىك بيۋدجەت ءۇشىن ءتيىمدى. دەسەك تە ەلدەگى جانارماي وتىندارىنىڭ قىمبات بولۋى ىشكى شيكىزات نارىعىنىڭ دۇرىس قامتاماسىز ەتىلمەيتىنىن كورسەتەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى