Äkim meşit jamağatımen dwğa-tilekke qol jayuda.

 Şığıs Qazaqstan oblısınıñ äkimi Danial Ahmetov bügin oblıstıq "Halifa Altay" meşitinde boldı. Aymaq basşısı meşittiñ jwmısımen tanısıp, qordalanğan keybir mäselelerdi byudjettik emes qarjı közderin jwmıldıra otırıp şeşuge qoldau körsetetinin ayttı.

Meşittiñ baspasöz qızmeti habarlağanday, oblıs äkimi eñ aldımen meşit ğimaratınıñ astında ornalasqan kölik twrağınıñ töbesinen su ağudı toqtatu üşin tiisti jöndeu jwmıstarın jürgizu kerektigine toqtaldı.

Meşit jamağatımen pikirlesu.

Odan keyin QMDB-nıñ Öskemen aymağı boyınşa ökil imamı Ermek qajı Tasbolatwlınıñ oblıs ortalığına meşittiñ janınan 50-60 orındı medrese salu turalı wsınısın tolığımen  qoldap, jobalau institutına joba dayındap berudi tapsırdı.

Sonımen qatar, öñir basşısı jaqın arada meşitke jeñil kölik alu mäselesin şeşip beretindigin ayttı.

Äkim men ökil imam

Öz kezeginde ökil imam Ermek qajı Tasbolatwlı oblıs äkimin QMDB Öskemen öñiri boyınşa ökildigi tarapınan atqarılıp jatqan jwmıstardıñ barısımen tanıstırdı.

Danial Ahmetov meşit qabırğasında eki aylıq sauat aşu kursında oqıp jürgen azamattarmen jüzdesti.

"The Qazaq Times"