اكىم مەشىت جاماعاتىمەن دۇعا-تىلەككە قول جايۋدا.

 شىعىس قازاقستان وبلىسىنىڭ اكىمى دانيال احمەتوۆ بۇگىن وبلىستىق "حاليفا التاي" مەشىتىندە بولدى. ايماق باسشىسى مەشىتتىڭ جۇمىسىمەن تانىسىپ، قوردالانعان كەيبىر ماسەلەلەردى بيۋدجەتتىك ەمەس قارجى كوزدەرىن جۇمىلدىرا وتىرىپ شەشۋگە قولداۋ كورسەتەتىنىن ايتتى.

مەشىتتىڭ ءباسپاسوز قىزمەتى حابارلاعانداي، وبلىس اكىمى ەڭ الدىمەن مەشىت عيماراتىنىڭ استىندا ورنالاسقان كولىك تۇراعىنىڭ توبەسىنەن سۋ اعۋدى توقتاتۋ ءۇشىن ءتيىستى جوندەۋ جۇمىستارىن جۇرگىزۋ كەرەكتىگىنە توقتالدى.

مەشىت جاماعاتىمەن پىكىرلەسۋ.

ودان كەيىن قمدب-نىڭ وسكەمەن ايماعى بويىنشا وكىل يمامى ەرمەك قاجى تاسبولاتۇلىنىڭ وبلىس ورتالىعىنا مەشىتتىڭ جانىنان 50-60 ورىندى مەدرەسە سالۋ تۋرالى ۇسىنىسىن تولىعىمەن  قولداپ، جوبالاۋ ينستيتۋتىنا جوبا دايىنداپ بەرۋدى تاپسىردى.

سونىمەن قاتار، ءوڭىر باسشىسى جاقىن ارادا مەشىتكە جەڭىل كولىك الۋ ماسەلەسىن شەشىپ بەرەتىندىگىن ايتتى.

اكىم مەن وكىل يمام

ءوز كەزەگىندە وكىل يمام ەرمەك قاجى تاسبولاتۇلى وبلىس اكىمىن قمدب وسكەمەن ءوڭىرى بويىنشا وكىلدىگى تاراپىنان اتقارىلىپ جاتقان جۇمىستاردىڭ بارىسىمەن تانىستىردى.

دانيال احمەتوۆ مەشىت قابىرعاسىندا ەكى ايلىق ساۋات اشۋ كۋرسىندا وقىپ جۇرگەن ازاماتتارمەن جۇزدەستى.

"The Qazaq Times"