BWW-dağı AQŞ ökili. Foto: Fox News Insider.

AQŞ-tıñ BWW-dağı ökili «AQŞ Soltüstik Koreyanıñ üreylendiruinen qorıqpaydı» dedi. Qwrama Ştattıñ resmi ökili bwl sözin «Fox News» arnasına bergen swhbatında aytıp ötti.

AQŞ-tıñ jaña sankciya şeşiminen keyin Soltüstik Koreya bwnıñ jauabı retinde, «Mars-12» ballistikalıq zımıranın qoldanıp, AQŞ-tıñ Guam aralındağı äskeri bazalarına şabuıl jasaytının aytıp qorqıtqan bolatın.

BWW-dağı Qwrama Ştattıñ twraqtı ökili Nikki Heyli «Fox News» arnasınıñ swhbatın qabıldağanda Qauipsizdik keñesiniñ eskertuleri men şeşimderinen keyin de zımıran sınağın jalğastırğan Soltüstik Koreyanıñ tap bolıp otırğan dağdarısın taldap berdi. Sonımen birge jaña sankciya Soltüstik Koreyağa jwmsalğan bir ğana jwdırıq ekenin eskertti.

Ol sözinde KHDR-nıñ «AQŞ-qa ülken sabaq bolatın bir äreket jasaymız» degen eskertuine qarsı: «Ärine, olar narazılıq körsetedi, ürkitedi, qorqıtadı. Alayda, biz oğan bola qorqıp qaşpaymız ğoy», – dedi. Heyli tağı Soltüstik Koreyanıñ bwl qadamınan olardıñ jaña sankciyağa tolıqtay alañdap otırğanın tüsinuge boladı dedi.

“The Qazaq Times”