اقش-تىڭ بۇۇ-داعى وكىلى: سولتۇستىك كورەيانىڭ بۇل ەسكەرتۋىنە بولا قورقىپ قاشپايمىز

اقش-تىڭ بۇۇ-داعى وكىلى «اقش سولتۇستىك كورەيانىڭ ۇرەيلەندىرۋىنەن قورىقپايدى» دەدى. قۇراما شتاتتىڭ رەسمي وكىلى بۇل ءسوزىن «Fox News» ارناسىنا بەرگەن سۇحباتىندا ايتىپ ءوتتى.

اقش-تىڭ جاڭا سانكتسيا شەشىمىنەن كەيىن سولتۇستىك كورەيا بۇنىڭ جاۋابى رەتىندە، «مارس-12» بالليستيكالىق زىمىرانىن قولدانىپ، اقش-تىڭ گۋام ارالىنداعى اسكەري بازالارىنا شابۋىل جاسايتىنىن ايتىپ قورقىتقان بولاتىن.

بۇۇ-داعى قۇراما شتاتتىڭ تۇراقتى وكىلى نيككي حەيلي «Fox News» ارناسىنىڭ سۇحباتىن قابىلداعاندا قاۋىپسىزدىك كەڭەسىنىڭ ەسكەرتۋلەرى مەن شەشىمدەرىنەن كەيىن دە زىمىران سىناعىن جالعاستىرعان سولتۇستىك كورەيانىڭ تاپ بولىپ وتىرعان داعدارىسىن تالداپ بەردى. سونىمەن بىرگە جاڭا سانكتسيا سولتۇستىك كورەياعا جۇمسالعان ءبىر عانا جۇدىرىق ەكەنىن ەسكەرتتى.

ول سوزىندە كحدر-نىڭ «اقش-قا ۇلكەن ساباق بولاتىن ءبىر ارەكەت جاسايمىز» دەگەن ەسكەرتۋىنە قارسى: «ارينە، ولار نارازىلىق كورسەتەدى، ۇركىتەدى، قورقىتادى. الايدا، ءبىز وعان بولا قورقىپ قاشپايمىز عوي»، – دەدى. حەيلي تاعى سولتۇستىك كورەيانىڭ بۇل قادامىنان ولاردىڭ جاڭا سانكتسياعا تولىقتاي الاڭداپ وتىرعانىن تۇسىنۋگە بولادى دەدى.

“The Qazaq Times”