Auğanstanda Taliban terrorlıq wyımınıñ köşbasşılarınıñ biri Ahmad Şah öltirildi, dep habarlaydı Oxu.az saytı «Sin'hua» agenttigine silteme jasap.

Auğanstannıñ Djauzdjan provinciyasınıñ policiya basşısı Rahmatulla Türkistanidiñ mälimetinşe, tamızdıñ 7-si küni Auğanstan qauipsizdik qızmeti Djauzdjan provinciyasına qarastı Fayzabad audanında ornalasqan Taliban qozğalısınıñ jasırın bazasına şabuıl jasağan. Äskeri operaciya barısında Taliban qozğalısınıñ «Kvetta şurı» joğarı keñesiniñ müşesi Ahmad Şah pen onıñ tört birdey kömekşisi oqqa wşqan.

Qazirgi tañda Djauzdjan provinciyasında Auğanstan äskerileri men Taliban qozğalısı sodırlarınıñ arasında keskilesken soğıs jürude. Mard'yan audanında jergilikti policiya men Auğanstan äskeri birigip Taliban sodırlanına auır soqqılar jasağan. Biraq osını paydalanıp Djazudjan aumağında «Islam memleketi» lañkestik wyımınıñ sodırları da bas kötere bastağan.

“The Qazaq Times”