Foto: Telegraph

Europada Niderlandı men Bel'giyadan tasımaldanatın jwmırtqalardıñ qwramında ulı fipronil tabılğannan soñ, äueli Germaniya, onan soñ barlıq Europa memleketteri düken sörelerinen atalğan önimdi alıp tastap, satılıp ketken tauardıñ zardabın qısqartu şaraların qolğa alıp jatır. Endi ataqtı "jwmırtqa dauına" Wlıbritaniya men Franciya da qosıldı. Bwl turalı APF aqparattıq agenttigi jazdı.

Fipronil auıl şaruaşılığında ziyankes jändiktermen küreske qoldanılatın ulı zat. Düniejüzilik densaulıq saqtau wyımı bekitken standartqa säykes, onı adam twtınatın mal men onıñ önimderine qoldanuğa bolmaydı. Europa komissiyası jürgizip otırğan zertteudiñ qorıtındıları äli tolıq dayın bolğan joq. Degenmen, mäseleniñ  Niderlandıdağı zauıttardı birin därileu procesinen bastalğanı anıq. Mwnı Gollandiya Ükimeti moyındap, el işindegi qws fabrikaların jappay jauıp jatır. Qazirdiñ özinde barlıq qws fermalarınıñ 1/5 böligin qwraytın 138 fabrika jabılğan. Bel'giyada da 51 qws ferması jwmısın toqtattı.

Wlıbritaniya men Franciyanıñ azıq-tülik önimderin standarttau agenttikteri elge kelgen jwmırtqa taralımın tekserip jatır. "Zertteu nätijeleri apta soñında belgili boladı", - dep habarladı.

Al Qazaqstanda mwnday dau äli bola qoyğan joq. Degenmen biz de de mwnday ziyandı zattardı paydalanatın zauıttar joq emes. Al onı tekserip, aşıq aqparat taratıp otırğan eşkim joq.

“The Qazaq Times”