ەۋروپادا «جۇمىرتقا داۋى» جالعاستى

ەۋروپادا نيدەرلاندى مەن بەلگيادان تاسىمالداناتىن جۇمىرتقالاردىڭ قۇرامىندا ۋلى فيپرونيل تابىلعاننان سوڭ، اۋەلى گەرمانيا، ونان سوڭ بارلىق ەۋروپا مەملەكەتتەرى دۇكەن سورەلەرىنەن اتالعان ءونىمدى الىپ تاستاپ، ساتىلىپ كەتكەن تاۋاردىڭ زاردابىن قىسقارتۋ شارالارىن قولعا الىپ جاتىر. ەندى اتاقتى "جۇمىرتقا داۋىنا" ۇلىبريتانيا مەن فرانتسيا دا قوسىلدى. بۇل تۋرالى APF اقپاراتتىق اگەنتتىگى جازدى.

فيپرونيل اۋىل شارۋاشىلىعىندا زيانكەس جاندىكتەرمەن كۇرەسكە قولدانىلاتىن ۋلى زات. دۇنيەجۇزىلىك دەنساۋلىق ساقتاۋ ۇيىمى بەكىتكەن ستاندارتقا سايكەس، ونى ادام تۇتىناتىن مال مەن ونىڭ ونىمدەرىنە قولدانۋعا بولمايدى. ەۋروپا كوميسسياسى جۇرگىزىپ وتىرعان زەرتتەۋدىڭ قورىتىندىلارى ءالى تولىق دايىن بولعان جوق. دەگەنمەن، ماسەلەنىڭ  نيدەرلاندىداعى زاۋىتتاردى ءبىرىن دارىلەۋ پروتسەسىنەن باستالعانى انىق. مۇنى گوللانديا ۇكىمەتى مويىنداپ، ەل ىشىندەگى قۇس فابريكالارىن جاپپاي جاۋىپ جاتىر. قازىردىڭ وزىندە بارلىق قۇس فەرمالارىنىڭ 1/5 بولىگىن قۇرايتىن 138 فابريكا جابىلعان. بەلگيادا دا 51 قۇس فەرماسى جۇمىسىن توقتاتتى.

ۇلىبريتانيا مەن فرانتسيانىڭ ازىق-تۇلىك ونىمدەرىن ستاندارتتاۋ اگەنتتىكتەرى ەلگە كەلگەن جۇمىرتقا تارالىمىن تەكسەرىپ جاتىر. "زەرتتەۋ ناتيجەلەرى اپتا سوڭىندا بەلگىلى بولادى", - دەپ حابارلادى.

ال قازاقستاندا مۇنداي داۋ ءالى بولا قويعان جوق. دەگەنمەن ءبىز دە دە مۇنداي زياندى زاتتاردى پايدالاناتىن زاۋىتتار جوق ەمەس. ال ونى تەكسەرىپ، اشىق اقپارات تاراتىپ وتىرعان ەشكىم جوق.

“The Qazaq Times”