Foto: ontustik.gov.kz

Qıtaylıq käsipkerler Oñtüstik Qazaqstan oblısında bioetanol öndiru zauıtı men fosfor öndirisiniñ qaldıqtarın qayta öñdeuden ötkizetin öndiristi iske qospaqşı. Bwl turalı oblıstıñ baspasöz qızmeti habarladı.

Qıtaylıqtar fosfor qaldıqtarın öñdeude Sozaq öñirin al bioetanol öndirisine Otırar audanın, qolaylı dep tapqan.

Oñtüstik Qazaqstan oblısınıñ äkimi JAnseyit Tüymebaevtıñ sözinşe, şeteldik investorlar kedendik, müliktik salıqtardan bosatıladı eken.

«Elge investiciya tartu – ekonomikanıñ eñ negizgi tetigi. Biz käsipkerlerge barınşa qoldau bildirip otırmız. Öñirimizde 11 industrialdıq 1 arnayı ekonomikalıq aymağımız jwmıs isteydi.   Şeteldik investorlar kedendik, müliktik salıqtardan bosatıladı. Sonday-aq jer telimi, infraqwrılımdıq qajettilikterdiñ bärimen tolıq qamtamasız etetin bolamız», - dedi oblıs äkimi.

Qıtaylıq investorlar bioetanol öndiru isinde oñtüstik qazaqstandıq jügeri men biday, arpa qaldıqtarın paydalanbaq. Bwl jaña otın türi janar-jağar mayğa qarağanda, auanı lastamaydı jäne parniktik gazdardı da bölmeydi eken.

Desek te, fosfor zauıtınıñ da salınatının eskergen jön. Qazirgi kezde Oñtüstik Qazaqstan oblısı qazirgi uaqıtta türli ekonomikalıq zauıttardıñ salınuı saldarınan ekologiyası naşar aymaqqa aynalğan. Al zauıttardı ziyan ekenin bile twra biliktegiler olardıñ  eldi mekenderden qaşıq jerge saluğa qwlıqsız. Sondıqtan iştegi bilik qauipsizdikti eskermese, sırttağı qıtaylıqtar onı eskere qoyuı ekitalay. Äri olardıñ salıq tölemeytini bizge ziyan.

“The Qazaq Times”