Foto: Reuters

Resey Ükimeti VPN (virtual private networks) - jeke virtualdı sayttardıñ qızmetine tıyım saladı. Memleket basşısı Vladimir Putin qol qoyğan jaña zañ jobası ağımdağı jıldıñ 1 qaraşasınan bastap, küşine enedi. Bwl turalı CNN aqparattıq agenttigi jazadı. 

Jeke virtualdı sayttar (VPN) öz qoldanuşılarına onıñ memleketinde bwğattalğan internet resurstarğa qol jetkizuge arnayı trafik wsınadı. Tanımal VPN-derdiñ qızmeti üşin är qoldanuşı ayına 10 dollardan töleydi.

Resey Parlamentiniñ aqparattıq sayasat jäne kommunikaciyalar komitetiniñ basşısı Leonid Levin: "Memleket eşqanday cenzura ornatıp, jaña şekteuler engizip otırğan joq. Bar bolğanı, osığan deyin memlekettik deñgeyde tıyım salınğan sayttardı VPN-niñ kömegimen qarap kelgen azamattardı qatañ baqılauğa alğalı otır", - dep mälimdedi.

Resey mwnday şekteu qoyıp otırğan alğaşqı memleket emes. Älemdegi qoldanuşısı köp äleumettik jelilerdi qoldanuğa rwqsat etilmegen Qıtayda VPN-derdiñ jwmısın toqtatu "Ğalamtordı tazalau jäne standarttau" dep atalatın birıñğay memleketttik sayasat ayasında jüzege asadı.

“The Qazaq Times”