رەسەي ۇكىمەتى عالامتور تسەنزۋراسىن كۇشەيتەدى

رەسەي ۇكىمەتى VPN (virtual private networks) - جەكە ۆيرتۋالدى سايتتاردىڭ قىزمەتىنە تىيىم سالادى. مەملەكەت باسشىسى ۆلاديمير پۋتين قول قويعان جاڭا زاڭ جوباسى اعىمداعى جىلدىڭ 1 قاراشاسىنان باستاپ، كۇشىنە ەنەدى. بۇل تۋرالى CNN اقپاراتتىق اگەنتتىگى جازادى. 

جەكە ۆيرتۋالدى سايتتار (VPN) ءوز قولدانۋشىلارىنا ونىڭ مەملەكەتىندە بۇعاتتالعان ينتەرنەت رەسۋرستارعا قول جەتكىزۋگە ارنايى ترافيك ۇسىنادى. تانىمال VPN-دەردىڭ قىزمەتى ءۇشىن ءار قولدانۋشى ايىنا 10 دوللاردان تولەيدى.

رەسەي پارلامەنتىنىڭ اقپاراتتىق ساياسات جانە كوممۋنيكاتسيالار كوميتەتىنىڭ باسشىسى لەونيد لەۆين: "مەملەكەت ەشقانداي تسەنزۋرا ورناتىپ، جاڭا شەكتەۋلەر ەنگىزىپ وتىرعان جوق. بار بولعانى، وسىعان دەيىن مەملەكەتتىك دەڭگەيدە تىيىم سالىنعان سايتتاردى VPN-ءنىڭ كومەگىمەن قاراپ كەلگەن ازاماتتاردى قاتاڭ باقىلاۋعا العالى وتىر", - دەپ مالىمدەدى.

رەسەي مۇنداي شەكتەۋ قويىپ وتىرعان العاشقى مەملەكەت ەمەس. الەمدەگى قولدانۋشىسى كوپ الەۋمەتتىك جەلىلەردى قولدانۋعا رۇقسات ەتىلمەگەن قىتايدا VPN-دەردىڭ جۇمىسىن توقتاتۋ "عالامتوردى تازالاۋ جانە ستاندارتتاۋ" دەپ اتالاتىن بىرىڭعاي مەملەكەتتتىك ساياسات اياسىندا جۇزەگە اسادى.

“The Qazaq Times”