Şildeniñ 25 küni Oral qalalıq sotında «şeyh Halil» Qayrat Abdujabbarovtıñ sotınıñ tıñdalımı boldı.

42 jastağı Qayrat Däukenov 2003 jılı Atırau, Oral, Aqtöbe qalalarınıñ meşitterinde uahabizm, täkfrizm ideyaların nasihattağan. Ol namaz oqımaytın mwsılmandardı käpirler dep atap, meşitke keluşilerdi jihadqa şaqırğan.

Abdujabbarovtı Wlttıq qauipsizdik komitetiniñ swrauımen 2017 jıldıñ aqpan ayında Saud Arabiyasınan ekstradiciyalağan bolatın. Qayrat Däukenov Qazaqstanğa jetkizilgenen keyin, WQK oğan Atırau, Oral, Aqtöbe qalalarında radikaldı bağıttağı toptar qwrıp, el aumağında terrorlıq şabuıldar jasap, Auğanstan men Süriyağa adamdar jiberdi degen ayıp taqqan.

Qazirgi tañda Qayrat Abdujabbarovtıñ üstinen QR Qılmıstıq kodeksiniñ «dini alauızdıq tuğızu», «terrorizmdi nasihattau» baptarı boyınşa qılmıstıq is qozğalğan. Kelesi sot otırısı tamızdıñ 1 küni boladı. Abdujabbarov isi boyınşa 100-ge juıq adam kuäger retinde qatısuda.

“The Qazaq Times”