Foto: Atameken Business Channel

«Biznestiñ jol kartası - 2020» bağdarlaması boyınşa 2017 jılı käsipkerlik nısandarınıñ infraqwrılımına Wlttıq qordan 10 mlrd teñge köleminde qarajat bölinedi. Bwl turalı QR Wlttıq ekonomika ministri Timur Süleymenov mälimdedi. 

«Tamaq önerkäsibi, auıl şaruaşılığı, jeñil önerkäsip, metallurgiya, qwrılıs materialdarı öndirisi, negizgi farmacevtikalıq önimder jäne jihazdar sektorında 22 şağın jäne orta biznes jobasın qarjılandıru josparlanıp otır», - dedi ministr.

Sonday-aq ol 8,8 mlrd teñge somasındağı qarajattı qosımşa ülestiru josparlanıp otırğanın habarladı.

«Memlekettik organdarğa 2017 jılı 073 byudjettik bağdarlaması (BB) boyınşa qarajattıñ tömen ülestiriluiniñ sebebi - jobalardı pısıqtaudıñ azdığı jäne memlekettik organdardan tapsırıstardıñ bolmauı. Osı jılğa arnalğan 073 BB boyınşa ülestirilmegen qarajattardıñ qalğanın tiimdi paydalanu mäselesi 2017 jılğa arnalğan respublikalıq byudjetti naqtılau ayasında şeşiletin boladı», - dedi Süleymenov.

“The Qazaq Times”