Qırğızstan Respublikasınıñ twñğış prezidenti Asqar Aqaevtıñ küyeu balası qazaqstandıq käsipker Ädil Toyğanbaev sottaldı.

Qırğızstan sotı onı 2005 jıldarı el aumağında alayaqtıqpen, monopoliyalıq joldarmen bäsekelestikke kedergi jasau jäne salıqtan jaltaru baptarı boyınşa, sırttay 20 jılğa bas bostandığınan ayırdı.

Asqar Aqaevtıñ küyeu balası Ädil Toyğanbaev.

Qırğızstan qwqıq qorğau organdarınıñ habarlauınşa, Toyğanbaev 1998 jılı öziniñ zañğa qayşı isterdi jasap jürgenin bile twra, sonday qadamdarğa barğan. Ol 2005 jılı Interpol arqılı halıqaralıq izdeuge berilgen. Ädil Toyğanbaev 2014 jılı Almatıda, 2014 jılı Mäskeude, 2016 Dubayda wstalğan. Biraq Qırğızstan biliginiñ onı elge ekstradiciyalauğa küşi jetpegen.

Ädil Toyğanbaev Qırğızstan sotınıñ şeşimi jayında: «Ekonomikalıq qılmıs jasağanım üşin 20 jıl beru aqılğa sıymaydı. Al 12 jıl bwrın bolğan isti qayta qarap şeşim şığaru Qırğızstan sotınıñ sandırağı. Bükil älem boyınşa qılmıstıq is 7 jıldan keyin qayta qaralmaydı. Bwl is belgisiz bir adamnıñ «meni 2005 jılı Asqar Aqaevtıñ küyeu balası retinde Qırğızstan ekonomikasın basqardı » degen sözi boyınşa qozğalğan» - dedi.

“The Qazaq Times”