Foto: politobzor.net

AQŞ Kongresindegi respublikandıqtar men demokrattar Reseyge qarsı jaña sankciyalar engizu turalı zañ jobasın maqwldap, Donal'd Tramptıñ qol qoyuına  jiberdi. Bwl turalı BBC aqparattıq qızmeti jazadı.

Esteriñizge sala keteyik, osıdan bwrın Resey AQŞ-ta ötken Prezident saylauına aralasıp, onıñ qorıtındısın özgertti dep ayıptalğan bolatın. Engizilip otırğan jaña sankciyalar Reseydiñ osı astırtın äreketine jauap retinde qolğa alınıp otır. Resey bwl ayıptaulardı tolıqtay teriske şığardı, al AQŞ-ta Donal'd Tramptıñ jeñiske jetuine Mäskeudiñ qatısı bar-joğı tekserilip jatır.

Jaña qwjatqa säykes, AQŞ-tıñ Reseyge Qırımdı annekciyalağanı üşin salğan bwrınğı sankciyaları qatañdatıladı dep kütilude. Reseyge qarsı qoldanılatın jaña şekteuler, Iran men Soltüstik Koreyağa qarsı orındalatın qatañ şaralardıñ ayasında jüzege asadı. CNN jurnalisteri Vladimir Putinniñ baspasöz hatşısı Dmitriy Peskovtan jaña qwjatqa qatıstı oyın swrağanda, ol "Öte negativti pikirdemin" dep, qısqa qayırdı.

Donal'd Tramp bwl qwjatqa qol qoyudan bas tartatın veto qwqığına ie. Degenmen AQŞ Prezidentiniñ Reseydi qoldap, äreket etui onıñ saylaudağı jeñisine Mäskeudiñ qosqan ülesi zor degen küdikti odan äri küşeyte tüseri sözsiz.

“The Qazaq Times”