Foto: mid.gov.kz

Alaköl kurorttıq aumağı üşin kölik qoljetimdiligin arttıru maqsatında Üşaral qalasında äuejay aşıldı. Bwl turalı Almatı oblısı äkimdiginiñ baspasöz qızmeti habarladı.

Oblıstıq jolauşı köligi jəne avtomobil' joldarı basqarmasınıñ basşısı E. Jasıbaevtıñ aytuınşa, əuejaydıñ qwrılısına oblıstıq byudjetten 1 mlrd teñgeden astam qarjı bölinip, qwrılısın  «ASD Group» JŞS merdiger mekemesi jürgizgen. Mwnda «Jetisu» aviakompaniyası qızmet körsetedi.

Endi Üşaral äuejayı aptasına tört ret «Astana-Üşaral-Astana» jäne üş ret «Taldıqorğan – Üşaral – Taldıqorğan» bağıtındağı äue reysterin qabıldaytın boladı. Bwl reysterdi subsidiyalauğa respublikalıq jäne oblıstıq byudjetten 177,2 mln teñge qarjı bölindi. Astanadan wşatın reystiñ qwnı - 16 mıñ teñge, Taldıqorğan reysi - 8 mıñ teñge.

Jalpı, Alaköl mañında turizm bağıtı boyınşa 162 nısan qızmet körsetedi. «Biznestiñ jol kartası – 2020» bağdarlamasınıñ öndiristik infraqwrılımdı damıtu bağıtı boyınşa 2014 jılı 200 mln teñge, 2015 jılı 352 mln teñge bölindi.

2016 jılı Alakölde 452 mıñnan astam adam demalsa, biılğı jılı 500  mıñnan astam keledi dep kütilip otır.

Ayta keteyik, Alaköl kurorttıq aumağınıñ turister üşin potencialı joğarı ekenin prem'er-ministr Baqıtjan Sağıntaev aytqan. Degenmen qazirgi uaqıtta Alakölge demaluğa baruşılardıñ köpşiligi infraqwrılımnıñ äli de dwrıs jolğa qoyılmağanın aytadı.

“The Qazaq Times”